سپینه ماڼۍ: ډونالډ ټرمپ له نتنیاهو او حـ . ـزبالله څخه د تاوتریخوالي د درېدو غوښتنه کړې
د سپینې ماڼۍ رسمي اېکس پاڼه وایي چې د امریکا ولسمشر ډونالډ ټرمپ د اسراییل له لومړي وزیر بنیامین نتنیاهو او د حـ . ـزبالله له استازو سره د اړیکو او تماسونو په ترڅ کې بېروت ته د امریکايي ځواکونو د نه لېږلو او د ډزو د درېدو هوکړې ته اشاره کړې ده.
سپینې ماڼۍ په خپله اېکس پاڼه کې لیکلي چې د امریکا لپاره «نوی طلايي پړاو» پیل شوی دی.
په همدې پیغام کې د امریکا ولسمشر ډونالډ ټرمپ له قوله راغلي چې نوموړي د اسراییلو له لومړي وزیر بنیامین نتنیاهو سره «ډېرې ګټورې خبرې» کړې دي.
ټرمپ ویلي چې د دغو تماسونو په ترڅ کې پرېکړه شوې چې لبنان ته به امریکايي پوځیان نه لېږل کېږي.
په پوسټ کې همداراز د ټرمپ له قوله ادعا شوې چې له حزبالله سره هم اړیکه شوې او د هغه په وینا «هغوی منلې چې ټولې ډزې به ودرول شي».
