مارکو روبیو: له تهران سره د خبرو اترو لومړنی شرط د هُرمز تنګي پرانېستل دي
د امریکا د بهرنیو چارو وزیر مارکو روبیو ویلي، له ایران سره د هر ډول خبرو لپاره لومړنی شرط د هرمز تنګي بېرته پرانیستل دي. هغه زیاته کړه: «د ټرمپ ادارې ایران ته یوازې د هرمز تنګي د پرانیستلو په بدل کې د بندیزونو د کمولو یا لغوه کولو وړاندیز نه دی کړی».
د امریکا د بهرنیو چارو وزیر زیاته کړه چې د بندیزونو هر ډول کمښت یا بشپړ لغوه کېدل به د ایران له لوري د خپل اټومي پروګرام په تړاو د ټاکل شویو شرایطو او ژمنو له عملي کېدو سره تړلي وي.
