د متحده عربي اماراتو د ولسمشر سلاکار: ټول د ایران د ناسمو غوښتنو بیه پرې کوو
د متحده عربي اماراتو د ولسمشر ډیپلوماتیک سلاکار انور قرقاش پر اېکس پاڼه لیکلي، چې «له فارس خلیج نه تر یمن، لبنان او عراق پورې موږ ټول د ایران د مخ پر زیاتېدونکو سیمهییزو غوښتنو او سیاستونو بیه پرې کوو».
هغه ویلي: «په سیمه کې هېڅ هېواد باید داسې رول ونه لوبوي، چې د ټولو د ګډ امنیت، ټیکاو او سوکالۍ په زیان تمام شي». قرقاش ټینګار کړی، چې د یادې تګلارې بیاکتنه اړینه ده او باید د روښانه اصولو پر بنسټ ترسره شي؛ هغه اصول چې د هېوادونو حاکمیت ته درناوی، ښه ګاونډیتوب او د نورو هېوادونو په کورنیو چارو کې نه لاسوهنه پهکې شامله وي.
