د غزني یو اوسېدونکی: طالبانو د کډوالو ښارګوټي دولتي ځمکې غاصبینو ته ورکړې دي
د غزني یو اوسېدونکي افغانستان انټرنشنل ته په لېږلي پیغام کې ویلي، چې طالبانو د غزني ښار د البیروني کډوالو ښارګوټي شاوخوا له ۱۰ نه تر ۱۲ نمرې ځمکې غاصبینو ته ورکړې دي. نوموړي ویلي، چې دغه ځمکې د موټرنو تم ځای او د بازار په ساحه کې شاملې دي.
دغه اوسېدونکي په خپل پيغام کې زیاته کړې، چې غاصبینو پر دغه ځمکو د ودانیزو چارو کار پيل کړی. نوموړي دا هم ویلي، د ځمکو مافیا ان د جمهوري نظام پرمهال هم نهوه توانېدلې چې دغه ځمکې غصب کړي او پخواني حکومت دغه ساحه ساتلې وه.
د هغه په خبره؛ اوس طالبانو دغه ځمکې د ځانګړو اسنادو او فوقالعاده حکم له مخې غاصبینو ته سپارلې دي. دغه ادعاوو ته په کتو د کډوالو ښارګوټي په سیمه کې هر ډول رغنیز شخصي کارونه په بشپړه توګه منع دي او ان خلک اجازه نهلري، چې د خپلو کورونو چتونه ترمیم کړي؛ خو اوس د طالبانو په امر او له کوم خنډ پرته د دولتي ځمکو پر سر ودانیزې چارې روانې دي.
