بلوچستان کې په بېلابېلو پېښو کې اته کسان وژل شوي دي
د پاکستان د بلوچستان ایالت په بېلابېلو سیمو کې د جلا، جلا پېښو له امله اته کسان وژل شوي دي. د راپورونو له مخې؛ یوازې د عبدالله کلا ولسوالۍ د مېزي اډې په سیمه کې د قبایلي شخړې له امله د ډزو په پېښه کې دوه کسان وژل شوي دي.
ورته مهال د کچهي ولسوالۍ په باګ سیمه کې د ظهور په نوم یو کس له خپلې مېرمنې سره د اړیکو درلودو په تور یو کس وژلی او وروسته کور ته تللی او خپله مېرمنه یې هم وژلې ده.
په همدې حال کې د نصیراباد ولسوالۍ په مرکزي ښار ډېره مراد جمالي کې یو زوی خپل پلار په ډزو وژلی دی. په کوټې ښار کې هم د ناپېژاندو وسلهوالو په ډزو کې یو رېکشا چلوونکی وژلی دی.
له بلې خوا د هرنايي ولسوالۍ په یوه کان کې د کان نړېدو له امله دوه کان کېندونکي مړه شوي دي. ځایي پولیس وایي، چې د یادو پېښو په اړه یې پلټنې روانې دي.
