کورنۍ لوبې؛ سپین غر کرېکټ لوبډلې د اې نوملړ سیالیو د اتلولۍ جام وګاټه
د زونونو په کچه د اې نوملړ کرېکټ سیالیو پایلوبې ته امو او سپین غر لوبډلې وتلې وې چې په پایله کې سپن غر لوبډلې امو لوبډلې ته د ۸۴ منډو په توپیر ماته ورکړه او د لېسټ اې سیالیو جام یې په خپل نوم کړ.
د زونونو په کچه د لېسټ اې کرېکټ سیالۍ د مې میاشتې په ۱۷مه نېټه په ننګرهار کې د پنځو لوبډلو ترمنځ پیل شوې.
په یادو لوبډلو کې امو او سپین غر لوبډلې تر نورو مخکښې وې او نن یې یو د بل په وړاندې د جام ګټلو په موخه سیالې وکړه.
د لوبې په لومړي پړاو کې د سپین غر لوبډلې توپ وهنه وکړه او د لوبډلمشر درویش رسولي او عصمت عالم د سلیزو په مټ یې سیالې لوبډلې ته د ۲۸۷ منډو هدف ورکړ.
خو امو لوبډلې ونه شو کړای چې په پنځوس اورونو کې ټاکلی هدف پوره کړي او لوبه یې د ۸۴ منډو په توپیر وبایلله.
