د افغانستان کرېکټ بورډ د لوبغاړو د غوراوي کمېټې د سریلانکا الف او هند الف لوبډلو پر وړاندې په درې اړخیزې یو ورځنۍ سیالۍ کې د ګډون لپاره د افغانستان الف لوبډلې (افغان ابدالیانو) نوملړ اعلان کړ. دغه سیالۍ به د غبرګولي له ۱۹مې تر ۳۱مې پورې د سریلانکا په ډمبولا ښار کې ترسره شي.
د افغانستان کرېکټ بورډ په وینا؛ په دغه ډلهییز پړاو کې درې ګډون کوونکې لوبډلې به دوه ځله له یو بل سره لوبه وکړي او د یادې لوبلړۍ په پای کې د جدول دوه غوره لوبډلې به پای لوبې ته لاړې شي.
د دغه سیالیو لومړۍ لوبه به (د غبرګولي ۱۹مه) د سریلانکا او هندوستان لوبډلو ترمنځ ترسره شي. د افغانستان الف لوبډله به خپله لومړۍ لوبه (د غبرګولي ۲۱مه) د هند الف لوبډلې پر وړاندې وکړي او بیا به (د غبرګولي ۲۳مه) د سریلانکا الف لوبډلې پر وړاندې ولوبېږي.
د افغان ابدالیانو لوبډلې نوملړ:
عمران میر (لوبډلمشر)، نورالرحمان (وېکت ساتونکی)، محمد اسحاق (وېکت ساتونکی)، خالد تڼیوال، حسن عیسیخېل، اعجاز احمدزی، بهیرشاه محبوب، فیصل خان شینوزاده، شمسالرحمان، فرمانالله صافی، خلیل ګربز، ظاهرخان پکتین، فریدون داوودزی، محمد ابراهیم عبدالرحیمزی او عبدالله احمدزی.
