د اسراییل سترې محکمې له فلسطیني بندیانو سره د سره صلیب پر لیدنو د بندیز لرې کولو امر کړی
د اسراییل سترې محکمې پرېکړه کړې چې تل ابیب باید سره صلیب ته اجازه ور کړي، چې له فلسطیني بندیانو سره وګوري. د سره صلیب ویاند پاتریک ګریفیتس ویلي چې دوی د محکمې پرېکړه مني او چمتو دي چې د بندیانو د لیدنو لړۍ بېرته پیل کړي.
دا بندیز د دې لامل شوی و چې د فلسطیني بندیانو د حالت خپلواکه څارنه محدوده شي، په داسې حال کې چې راپورونه د دوی پر وړاندې د سیستماتیک بد چلند، لوږې او د طبي خدماتو د نه برابرولو ادعاوې کوي.
دغه پرېکړه د چارشنبې په شپه صادره شوې او د اسراییلي زندانونو او پوځي توقیف ځایونو ټول بندیان پکې شامل دي.
د اسراییل د زندان ادارې، د لومړي وزیر دفتر او پوځ تر اوسه په دې اړه رسمي غبرګون نه دی ښودلی.
محکمې ویلي چې پر سره صلیب له بندیانو سره د لیدنو بندیز د اسراییلي قانون او نړیوالو بشري قوانینو له مخې قانوني بنسټ نه لري.
دغه بندیز د ۲۰۲۳ کال په اکتوبر کې پر اسراییل د حماس له برید وروسته لګول شوی و.
