فرانس۲۴: امریکا د ایران پر ضد د پرېکړهلیک د مسودې په چمتو کولو بوخته ده
فرانس ۲۴ د ډیپلوماتیکو سرچینو له قوله راپور ورکړی، چې امریکا د اټومي انرژۍ د نړیوالې ادارې د حکامو شورا د راتلونکې اونۍ غونډې ته د ایران پر ضد د یوه پرېکړهلیک د مسودې پر چمتو کولو بوخته ده.
د راپور له مخې، په دغه پرېکړهلیک کې به د ایران د اټومي فعالیتونو له امله پر تهران نیوکې وشي او ښايي د اسلامي جمهوریت د غندنې غوښتنه هم پهکې شامله وي.
فرانس ۲۴ ویلي، د دغه اقدام ترسره کېدل کولی شي د واشنګټن او تهران ترمنځ روانې خبرې اترې لا پسې پېچلې کړي او د دواړو لورو ترمنځ د تفاهم د رامنځته کېدو بهیر له خنډونو سره مخ کړي.
