د امریکا سنا د کډوالۍ ضد او د پولو د خوندیتوب لپاره د ۷۰ میلیارده ډالرو بودیجه تایید کړه
د امریکا مشرانو جرګې اکثریت غړو د جمعې په ورځ د ډونالډ ټرمپ لهخوا د کډوالۍ د قوانینو سخت پلي کولو او پولو خوندیتوب لپاره د ۷۰ میلیارده ډالرو اضافي بودیجې غوښتنه تایید کړه.
د قانون جوړونکو لهخوا پرې طرحه او د هغې پر تعدیلاتو اوږده بحثونه وشل. ډیموکراټانو او ځینو جمهوري غوښتونکو هڅه وکړه چې په مسوده کې د سپینې ماڼۍ په انګړ کې د ټرمپ په خوښه د ۹۰ زره مربع فوټه د نڅا لوی تالار پر جوړولو د فدرال بودیجې د لګولو بندیز شامل کړي، خو بریالي نه شول.
د سنا مجلس لهخوا تایید شوې ۷۰ میلیارد ډالري بودیجه به په راتلونکو درېیو کلونو کې د کډوالو د شړلو په جنجالي لړۍ کې د کورني امنیت وزارت د کډوالۍ او ګمرکونو پلي کولو ادارې او د پولو د ساتنې اژانسونو سره مرسته وکړي.
