ناپېژاندو وسله‌والو په سویلي وزیرستان کې د یوه قبایلي مشر دوه زامن په ډزو وژلي دي

د ځایي چارواکو په وینا؛ امنیتي او د ژغورنې ډلې له پېښې وروسته سیمې ته رسېدلې او مړي او ټپي کس یې روغتون ته لېږدولي دي. ځایي پولیس زیاتوي، چې بریدګر له سیمې تښتېدلي او د پېښې د څرنګوالي او انګېزې معلومولو لپاره یې پلټنې پیل کړې دي.
ملک جمیل وزیر د توجي‌خېلو د قبیلې مشر دی، چې پخوا هم پرې څو ځله بریدونه شوي دي. د راپورونو له مخې؛ تېر کال هم د هغه یو زوی د ناپېژاندو کسانو له‌خوا وژل شوی و. لاتر اوسه کومې ډلې د دغه برید مسوولیت نه‌دی منلی.