عاصي: لوېدیځ‌پال افراطي فیمینسټان د افغان ښځو کړاوونه د شهرت او پیسو د ګټلو وسیله ګرځوي

د یاد ریاست په خبرپاڼه کې ویل شوي چې په دغه سیمینار کې د طالبانو د محلي مسوولینو ترڅنګ دیني عالمانو، قومي مشرانو، فرهنګیانو او ځوانانو ګډون کړی و.

د نیمروز لپاره د طالبانو د اطلاعاتو او کلتور رییس حبیب‌الله الهام ګډونوالو ته ویلي چې د مشر فرمانونه په ټولنه کې «ځانګړی اهمیت» لري او د ۱۷م فرمان پلي کول د هر افغان مسوولیت دی. نوموړي ادعا کړې چې د دغه فرمان عملي کېدل به ټولنیزې ستونزې راکمې او د خلکو د هوساینې زمینه برابره کړي.

طالبان وایي چې د ملا هبت‌الله ۱۷م فرمان د هغو دودونو او رواجونو د مخنیوي لپاره صادر شوی چې دوی یې «ناوړه رسمونه» بولي، او موخه یې د ټولنیزو او اقتصادي ستونزو کمول او د اسلامي ارزښتونو پیاوړتیا ده.

خو په وروستیو میاشتو کې د طالبانو د مشر له لوري یو لړ نور فرمانونه، په ځانګړي ډول د ښځو د ټولنیز حضور، د کار محدودیتونو او د کورنیو د شخصي چارو د تنظیم په اړه صادر شوي مقررات، په کور دننه او نړیواله کچه له سختو نیوکو سره مخ شوي دي. منتقدان وایي چې دا ډول فرمانونه د ښځو د اساسي حقونو، د کورنۍ د ازاد انتخاب او د ټولنیز ژوند د محدودېدو لامل کېږي او د خلکو پر ورځني ژوند مستقیم اغېز لري.

یاد وزارت په خپل اونیز راپور کې ویلي چې دغه فعالیتونه په کابل، بلخ، پکتیکا، بدخشان، ننګرهار، سمنګان او بغلان ولایتونو کې ترسره شوي دي.

د راپور له مخې، د کابل ولایت د خاکجبار ولسوالۍ په بېلابېلو سیمو کې پنځه شنې خونې جوړې او ګټې اخیستنې ته سپارل شوې دي.

وزارت همداراز ویلي چې په بلخ ولایت کې یې ۷۰ اړمنو کورنیو ته هګۍ اچوونکې چرګې وېشلې دي. په ننګرهار ولایت کې هم ۲۵ راستنو شویو کډوالو او کونډو کورنیو ته د چرګانو د روزنې او ساتنې اړین وسایل او چرګې وېشل شوې دي.

د راپور له مخې، په سمنګان ولایت کې یو شمېر مالدارانو ته د څارویو خوراکي توکي وېشل شوي، څو د مالدارۍ سکتور پیاوړی او د حیواناتو تغذیه ښه شي.

د کرنې وزارت دغه راز ویلي چې په بدخشان ولایت کې یې د نباتي افتونو پر ضد د کیمیاوي مبارزې کمپاین پیل کړی دی.

وزارت زیاتوي چې په پکتیکا ولایت کې یې د ځنګلونو د ساتنې په موخه د لرګیو د ناقانونه پرېکولو او لېږد مخه نیولې او په دې تړاو یې دوه تراکتورونه، چې لرګي یې لېږدول، درولي دي.

دغه وزارت د یادو فعالیتونو موخه د کرنې او مالدارۍ د ودې، د بزګرانو او مالدارانو د ملاتړ او د کلیوالو کورنیو د اقتصادي وضعیت ښه والي ښودلی.

د دغه کمېسیون د راپور له مخې، دغه کډوال د ننګرهار د تورخم، د کندهار د سپین بولدک، د هرات د اسلام‌کلا او د نیمروز د ورېښمو پله له لارې ستانه شوي دي.

راپور زیاتوي، له یادو کورنیو څخه ۶۳۱ کورنۍد تورخم له لارې، ۱۸کورنۍ د سپین بولدک له لارې،۱۹ کورنۍ د ورېښمو پله له لارې، او ۱۴کورنۍ د اسلام‌کلا له لارې افغانستان ته ستنې شوې دي.

د کمېسیون د معلوماتو پر بنسټ، راستنو شویو کورنیو سره د اړتیا وړ مرسته هم شوې ده.

دا په داسې حال کې ده چې د افغانستان لپاره د ملګرو ملتونو ځانګړي راپور ورکوونکي رېچارډ بېنېټ په خپلو تازه څرګندونو کې ویلي، چې افغانستان د ستنېدونکو لپاره یو خوندي هېواد نه دی. د نوموړي په وینا، هغه افغانان چې بېرته دغه هېواد ته ستنېږي، له ځورونې، نیول کېدو، شکنجې، لوږې او نورو ګواښونو سره مخامخ کېږي.

مومند په خپل فېسبوک پوسټ کې لیکلي چې د یاد بست لپاره یې د تحریري ازموینې پارچه «سل په سلو کې» سمه حل کړې وه او ان د ازموینې پوښتنې او ځوابونه یې اوس هم په یاد دي. هغه ادعا کوي چې د ازموینې د پاڼې انځورونه د کانال ریاست او د ننګرهار د رسنیو مرکز له لوري هم خپاره شوي وو، خو بیا هم د ازموینې پایلو کې بریالی ونه ګڼل شو.

نوموړي ویلي: «په دې باوري وم چې په تحریري ازموینه کې به بریالی شم او مرکې ته به راوغوښتل شم، خو نه یوازې بریالی اعلان نه شوم، بلکې مرکې ته هم راونه بلل شوم.»

د هغه په وینا، د ازموینې پایلې له ځنډ وروسته هم په رسمي ډول اعلان نه شوې او د بست لپاره بل کس وګومارل شو. مومند ادعا کوي چې د استخدام بهیر نمایشي و او له وړاندې ټاکل شوی کس په دنده وګومارل شو.

هغه همداراز د کانال ریاست د بشري سرچینو د برخې پر چلند نیوکه کړې او ویلي یې دي چې د ازموینې د نمرو او د استخدام د پایلو په اړه ورته لازم معلومات نه دي ورکړل شوي.

مومند په خپل پوسټ کې ادعا کړې چې د استخدام مسولان د استخدامي بهیر له اصولو او کړنلارو سره هم کافي بلدتیا نه لري او ازموینې د وړ او مناسب کس د ټاکلو پر ځای د خلکو د تېرایستلو لپاره ترسره کېږي.

د سرحدي پولیسو د خبرپاڼې له مخې، مولوي عبدالمنان حسان د واخان بندر له امنیتي پوستو او چیک‌پواینټونو څخه لیدنه کړې او د سرحدي ځواکونو د فعالیتونو او امنیتي تدابیرو ارزونه یې کړې ده.

نوموړي د پامیر له اوسېدونکو سره په کتنه کې د هغوی ستونزې او غوښتنې اورېدلي او اړوندو مسولینو ته یې سپارښتنه کړې چې د خلکو ستونزو ته پر وخت رسېدنه وکړي او له سیمه‌ییزو اوسېدونکو سره خپلې همکارۍ لا پیاوړې کړي.

مولوي عبدالمنان حسان د سیمې خلکو ته ډاډ ورکړی چې د هغوی د ستونزو د حل او د اړینو خدمتونو د برابرولو لپاره به لازمې همکارۍ دوام ولري.

دا سفر په داسې مهال ترسره کېږي چې واخان دهلېز د افغانستان له مهمو ستراتیژیکو سیمو څخه ګڼل کېږي او په وروستیو کلونو کې د چین سره د احتمالي ځمکنۍ نښلونې، د ترانزیټي لارو او سرحدي امنیتي موضوعاتو له امله د پام وړ بحثونو مرکز ګرځېدلی دی.