پېښور عالي محکمې: د خیبر پښتونخوا وزیر مینا خان ته د المان د علمي سفر اجازه ورکړله
پېښور عالي محکمې فدرالي څېړنو ادارې ته امر کړی چې د خیبر پښتونخوا د لوړو زدهکړو وزیر مینا خان اپریدي نوم له موقتي سفر بندیز لېست څخه وباسي او هغه ته د المان ته د سفر اجازه ورکړي.
محکمې ویلي چې یاد وزیر د یوې ګډې علمي څېړنې په موخه د جرمني د توبینګن پوهنتون ته بلل شوی او د سفر اجازه ورکول د محکمې له مخې مناسب کار دی.
د پرېکړې له مخې، مینا خان اپریدي ته امر شوی چې دوه میلیونه روپۍ د ضمانت په توګه کېږدي.
محکمې اړوندو ادارو ته هم لارښوونه کړې چې د هغه د نوم د سفر بندیز د لېستونو په اړه خپل سپیناوی محکمې ته وړاندې کړي.
