پر غزې د اسراییل په هوايي برید کې د دوو ښځو په ګډون اووه فلسطینیان وژل شوي
رویټرز اژانس د روغتیايي چارواکو له قوله راپور ورکړی، چې پر غزه د اسراییل په یوه هوايي برید کې د دوو ښځو په ګډون لږ تر لږه اووه فلسطینیان ژول شوي او د ماشومان په ګډون ۱۵ نور ټپیان دي.
د راپور لهمخې، دغه برید د شنبې په ورځ د غزې په مرکز کې د کډوالو پر یو لوی کمپ شوی دی.
د اسراییل د پوځ یوه ویاند رویټرز ته ویلي، چې برید یې د وسلهوالو په نښه کولو په موخه کړی، خو په دې اړه یې نور جزییات نه دي ورکړي.
د غزې روغتیايي چارواکو ویلي، چې د اوربند له پیل راهیسې د اسراییل په بریدونو کې شاوخوا ۹۵۰ فلسطینیان وژل شوي دي.
