‎مُحسن نقوي: د مجتبی خامنه‌يي لپاره د عاصم منیر او شهباز شریف ځانګړی لیک خورا مهم دی

د راپور له‌مخې، دغه برید د شنبې په ورځ د غزې په مرکز کې د کډوالو پر یو لوی کمپ شوی دی.

د اسراییل د پوځ یوه ویاند رویټرز ته ویلي، چې برید یې د وسله‌والو په نښه کولو په موخه کړی، خو په دې اړه یې نور جزییات نه دي ورکړي.

د غزې روغتیايي چارواکو ویلي، چې د اوربند له پیل راهیسې د اسراییل په بریدونو کې شاوخوا ۹۵۰ فلسطینیان وژل شوي دي.

زیلنسکي په خپل ایکس‌پاڼه کې لیکلي چې د اوکراین بې‌پیلوټه الوتکو تېره شپه شاوخوا زر کیلومتره واټن وهلی او د سنټ پیټرزبورګ سیمې ته رسېدلې دي. د هغه په وینا، دغه بریدونه د روسیې د سمندري ځواکونو پر مهمو پوځي تاسیساتو ترسره شوي دي.

نوموړي زیاته کړې چې د اوکراین د لرې واټن بریدونو په ترڅ کې د کراسنودار سیمې دننه شاوخوا ۵۰۰ کیلومتره واټن کې د تېلو یوه زېرمه هم په نښه شوې ده.

د اوکراین ولسمشر دغه بریدونه د اوکراین د وسله‌والو ځواکونو، د امنیتي خدماتو او د دفاعي استخباراتو د ګډو عملیاتو پایله بللې او ویلي یې دي چې «دا مهمې لاسته راوړنې دي.»

زیلنسکي پر روسیې غږ کړی چې جګړه پای ته ورسوي او پر ملکي وګړو او ژوند د بریدونو درولو ته غاړه کېږدي. هغه ویلي: «روسیه باید خپله جګړه پای ته ورسوي او پر ژوند بریدونه ودروي. د اوکراین پر وړاندې د هر ډول ظلم او تېري ځواب به عادلانه وي.»

د اوکراین او روسیې ترمنځ جګړه له درېیو کلونو څخه زیاته موده وړاندې پیل شوې او دواړه لوري لا هم پر یو بل د لرې واټن بریدونو او پوځي عملیاتو ته دوام ورکوي.

سپاه پاسداران په یوه خبرپاڼه کې ویلي، دغه بریدونه له هغې وروسته ترسره شوي چې د دوی په وینا، امریکايي ځواکونو د ایران د هرمزګان ولایت په سیریک ولسوالۍ، ګورک سیمه او قشم ټاپو کې ځینې هدفونه په نښه کړل.

د خبرپاڼې له مخې، د خلیج فارس په ځینو هېوادونو کې د امریکايي ځواکونو اړوند مرکزونه د ایران د غچ اخیستونکو عملیاتو هدف ګرځېدلي دي.

په ورته وخت کې، د کویټ چارواکو ویلي چې د دغه هېواد هوايي دفاعي سیستمونه د «دښمنو هدفونو» په ګډون توغندي او بې‌پیلوټه الوتکې تعقیبوي او د شنډولو هڅې یې روانې دي. د بحرین چارواکو هم د خطر زنګونو د فعالېدو او د امنیتي تدابیرو د سختېدو خبر ورکړی دی.

دا پرمختګونه څو ساعته وروسته له هغې رامنځته شول چې د ایران په سیریک ولسوالۍ کې د چاودنو راپورونه خپاره شول او د امریکا مرکزي قوماندانۍ (سنټکام) ادعا وکړه چې په ګورک او قشم کې یې د ایران ځینې راداري او د بې‌پیلوټه الوتکو د کنټرول تاسیسات په نښه کړي دي.

د خرسون والي اولیکساندر پروکودین ویلي، د سیمې پر مرکز خرسون ښار د شوي برید له امله د اویا او اتیا کلونو ترمنځ درې کسان وژل شوي دي. د نوموړي په وینا، د قربانیانو جسدونه له هغو کورونو څخه ترلاسه شوي چې په بریدونو کې زیانمن شوي وو.

هغه زیاته کړې چې د خرسون ښار په شمال کې پر یوه د تېلو پمپ د برید له امله یو کس وژل شوی او اووه نور ټپیان شوي دي.

د والي په وینا، د جمعې ورځې په ماښام د بې‌پیلوټه الوتکې په یوه بل برید کې هم د خرسون ښار شمال ته په یوه کلي کې یو سړی وژل شوی دی.

خرسون د اوکراین له هغو څلورو سیمو څخه ده چې روسیې د ۲۰۲۲ کال له یرغل څو میاشتې وروسته د خپلې خاورې برخه اعلان کړې وې. روسي ځواکونو د جګړې په لومړیو پړاوونو کې د دې سیمې لویې برخې نیولې وې، خو اوکرایني ځواکونو وروسته د خرسون ښار په ګډون ځینې سیمې بېرته ونیولې. د اوکراین تر کنټرول لاندې سیمې لا هم په پرله‌پسې ډول د روسیې تر بریدونو لاندې دي.

بل لور ته، د روسیې په لوېدیځه بلګورود سیمه کې سیمه‌ییزو چارواکو ویلي چې د اوکراین یوې بې‌پیلوټه الوتکې سرحد ته نږدې یو موټر په نښه کړی، چې له امله یې چلوونکی وژل شوی دی.

سنېټکام د جمعې په ناوخته (د غبرګولي ۱۵مه) په خپله اېکس‌پاڼه زیاته کړې، چې د نورو بریدونو پر وړاندې د دفاع په موخه یې، په قشم ټاپو او د سیریک په ګروک سیمه کې د اسلامي جمهوريت د ساحلي څارنې رادار سایټونه هم په نښه کړي دي.

سنېټکام د ځان د دفاع په چوکاټ کې د «ایران د غیر عادلانه تیري» ځواب ورکولو ته پر خپل چمتووالي ټینګار کړی دی.

ایران لاتر اوسه په دې تړاو څه نه‌دي ویلي.