د پاکستان په پلازمینه اسلام اباد کې د جنسي تېري او تښتونو ۴۳۲ قضیې ثبت شوي
د پاکستان د پلازمېنې اسلاماباد پولیسو د روان کال په لومړیو پنځو میاشتو کې د جنسي تېري او تښتونې ټول ۴۳۲ قضیې ثبت کړې دي. د پولیسو په وینا په ددغه پېښو زیات شمېر یې به ښاري سیمو کې رامنځته شوي.
د پولیسو د سرچینو په وینا، په دې کې ۵۵ د جنسي تېري او ۳۷۷ د تښتونې قضیې شاملې دي.
د جنسي تېري د ۵۵ قضیو له ډلې ۱۵د اسلام اباد په سوان زون، ۱۳ په صدر، ۱۲ په کلیوالي، ۹ په صنعتي او ۶ په ښاري زون کې ثبت شوې دي.
د تښتونې د ۳۷۷ قضیو له مخې ۹۹ په صدر، ۸۹ په سوان، ۷۶ په کلیوالي، ۴۴ په ښاري او ۲۹ په صنعتي زون کې ثبت شوې دي.
پولیس وايي، په ځینو پېښو کې جدي جرمونه هم شامل دي. د فبرورۍ پر ۲۸مه په پنډوریان کې درې کسانو پر یوه هلک جنسي تېری کړی او د پېښې ویډیو یې ثبت کړې ده.
همداراز د پاکستان قانون د ۳۷۵-الف مادې له مخې ۳ قضیې ثبت شوې دي چې پکې ۳ نجونې او ۱ هلک قربانیان دي.
د ۳۷۶ مادې لاندې ۲۴ قضیې ثبت شوې دي چې پکې ۱۵ نجونې، ۳ښځې او ۱ هلک شامل دي، او د ۳۷۶-ج مادې له مخې ۱۰ نورې قضیې ثبت شوې دي چې پکې ۸ نجونې او ۲ هلکان قربانیان دي.
په یوه بله پېښه کې د مې پر ۴مه یو سړی د اسلاماباد له ایف-۶سیمې تښتول شوی او وروسته یې مړی د خېبر پښتونخوا په مردان کې موندل شوی دی.
