تربت کې د ودانیز شرکت د قراردادي پر موټر بمي برید؛ ۳ کسان وژل شوي او یو ټپي دی

د پولیسو د معلوماتو له مخې، د ګوادر ولسوالۍ په پسني سیمه کې د مکران ساحلي لویې لارې ته نږدې په چاربندان کراس کې د دوو کسانو مړي موندل شوي دي.

همداراز د کیچ ولسوالۍ د دشت په خدان سیمه کې د یو بل کس مړی موندل شوی، چې د چارواکو په وینا د عطاالله په نوم پېژندل شوی دی. د هغه مړی د قانوني چارو لپاره سیمه‌ییز روغتون ته لېږدول شوی دی.

په ډېره بګټي ولسوالۍ کې بیا د قبایلي شخړې پر مهال د وسله‌والو نښتې له امله دوه کسان وژل شوي دي.

بل لوري ته په کوټه کې د یو دولتي روغتون پر ښځینه ډاکټرې د تېزابو برید شوی، چې له امله یې هغه او یو بل ځوان ټپیان شوي دي. پولیس وایي، د پېښې عامل وروسته د پولیسو سره په نښته کې وژل شوی دی.

په همدې حال کې د عبدالله خان کلا ولسوالۍ د ګلستان په سیمه کې د واده په مراسمو کې د ډزو له امله دوه ځوانان وژل شوي دي.

همداراز د موساخېل ولسوالۍ کې ناپېژاندو وسله‌والو پر یوه سیمه‌ییز خبریال لالا اسرافیل ډزې کړي چې له امله یې هغه وژل شوی دی.

پولیس وایي چې د نصیراباد ولسوالۍ په ډیره مراد جمالی او فلیجي سیمو کې د بېلابېلو پېښو او ډزو له امله د یوې ښځې په ګډون ۸ کسان ټپیان شوي دي.

چارواکي زیاتوي چې د ټولو پېښو په اړه یې پلټنې پیل کړې دي.

د پولیسو د سرچینو په وینا، په دې کې ۵۵ د جنسي تېري او ۳۷۷ د تښتونې قضیې شاملې دي.

د جنسي تېري د ۵۵ قضیو له ډلې ۱۵د اسلام اباد په سوان زون، ۱۳ په صدر، ۱۲ په کلیوالي، ۹ په صنعتي او ۶ په ښاري زون کې ثبت شوې دي.

د تښتونې د ۳۷۷ قضیو له مخې ۹۹ په صدر، ۸۹ په سوان، ۷۶ په کلیوالي، ۴۴ په ښاري او ۲۹ په صنعتي زون کې ثبت شوې دي.

پولیس وايي، په ځینو پېښو کې جدي جرمونه هم شامل دي. د فبرورۍ پر ۲۸مه په پنډوریان کې درې کسانو پر یوه هلک جنسي تېری کړی او د پېښې ویډیو یې ثبت کړې ده.

همداراز د پاکستان قانون د ۳۷۵-الف مادې له مخې ۳ قضیې ثبت شوې دي چې پکې ۳ نجونې او ۱ هلک قربانیان دي.

د ۳۷۶ مادې لاندې ۲۴ قضیې ثبت شوې دي چې پکې ۱۵ نجونې، ۳ښځې او ۱ هلک شامل دي، او د ۳۷۶-ج مادې له مخې ۱۰ نورې قضیې ثبت شوې دي چې پکې ۸ نجونې او ۲ هلکان قربانیان دي.

په یوه بله پېښه کې د مې پر ۴مه یو سړی د اسلام‌اباد له ایف-۶سیمې تښتول شوی او وروسته یې مړی د خېبر پښتونخوا په مردان کې موندل شوی دی.

د ځوانو ډاکټرانو ټولنې د معلوماتو له مخې، دا پېښه د روغتون دننه د دندې پر مهال رامنځته شوې، چې له امله یې ډاکټره ماه نور ناصر سخت ټپي شوې او د درملنې لاندې ده.

یادې ټولنې مخکې ویلي وو چې برید د جمعې په ورځ د غرمې له ۱۲:۰۰څخه تر ۱۲:۳۰ بجو پورې شوی، او بریدګر د روغتون یو کارکوونکی و چې د برقي زینې مسؤلیت یې درلود.

د راپورونو له مخې، بریدګر د ډاکټرې د خونې دروازه وټکوله او کله چې نوموړې دروازه پرانیسته، پر هغې یې تېزاب وشیندل.

له پېښې وروسته د روغتون ډاکټرانو او روغتیايي کارکوونکو احتجاجونه پیل کړي او د عادي روغتیايي خدماتو د بندېدو اعلان یې کړی دی. دوی د روغتیا د سکرتر، د ملکي روغتون د مشر او د امنیتي مسول له دندې د لرې کولو غوښتنه کړې ده.

په همدې حال کې، پولیسو ویلي چې د پېښې له رامنځته کېدو وروسته یې د تورن د نیولو لپاره پراخ عملیات پیل کړل. د پولیسو په وینا، تورن همایون شاه د کوټې ښار د سریاب سیمې د کچي بېګ په سیمه کې د بسونو تمځای ته نږدې وموندل شو.

چارواکي وايي، کله چې ورته د تسلیمېدو امر وشو، هغه پر پولیسو ډزې وکړې چې په ځوابي ډزو کې سخت ټپي شو او وروسته یې ساه ورکړه. پولیس زیاتوي چې د پېښې له ځایه یې یوه تومانچه، څلور مرمۍ هم ترلاسه کړي دي.

د بلوچستان اعلی وزیر میر سرفراز بګټي ویلي، حکومت به د ټپي شوې ډاکټرې د درملنې، بیارغونې او ټولو روغتیايي لګښتونو ذمه واري پر غاړه واخلي. د چارواکو په وینا، ماه نور ناصر د لا پرمختللې درملنې لپاره د «ایېر امبولانس» له لارې له کوټې څخه کراچۍ ته لېږدول شوې ده.

بل لوري ته د پېښې انګېزه لا روښانه نه ده. د ډاکټرې د کورنۍ یوه نږدې غړي د افغانستان انټرنشنل پښتو ته ویلي، چې د دوی له هېچا سره شخصي دښمني یا شخړه نه وه.

په همدې حال کې د ځوانو ډاکټرانو ټولنې اعلان کړی چې د یکشنبې په ورځ به له ملکي روغتون څخه د کوټې د مطبوعاتو دفتر پورې سوله‌ییز لاریون ترسره کړي او د روغتیايي کارکوونکو لپاره د لا قوي امنیت غوښتنه وکړي.

دغه پېښه یو ځل بیا په دولتي روغتونونو کې د ډاکټرانو او روغتیايي کارکوونکو د امنیت په اړه جدي اندېښنې راپورته کړې دي.

د بلوچستان د موسی خېل د پوليسو دفتر افغانستان انټرنشنل- پښتو ته وویل، یاد خبریال د شنبې په شپه نږدې ۱۰نیمې بجې د موسی خېل ولسوالۍ په بازار کې د ناپېژندو وسله‌والو له لوري په څو ډزو سره په نښه او وژل شوی دی.

ياد دفتر وویل: «خبريال په بازار کې خپل دوکان بند کړ او کور ته روان وو، چې وسله‌والو پرې ډزې وکړې».

په بلوچستان کې د خبريالانو ټولنې د خبریال اسرافیل د وژنې له غندنې سربېره له ايالتي چارواکو غوښتي، چې د پېښې څرنګوالی معلوم او په‌کې ښکېل کسان باید تر پېژندنې او نیونې وروسته دقانون منګلو ته وسپاري.

ځايي پولیسو ویلي، بریدګر پر یاد خبريال له ډزو وروسته له سیمې تښتېدلي، خو په وینا یې په تړاو یې پلټنې روانې دي.

د یادونې وړ ده، چې اسرافیل په یوه شخصي ټلویزیون کې له کار کولو سربېره په موسی خېل ولسوالۍ کې خپل شخصي کاروبار هم درلوده.

په پاکستان کې د بیان د ازادۍ او د خبریالانو خوندیتوب بنسټ «فریډم نېټ ورک» د شمېرو له مخې، په روان ۲۰۲۶م کال کې په دغه هېواد د اسرافیل په ګډون ۲ خبریال وژل شوي او پر ۱۴ بریدونه هم شوي دي.

سهیل اپریدي د شنبې په ورځ (د غبرګولي ۱۶مه) په پېښور کې د خوړو خوندیتوب د نړیوالې ورځې په مناسبت جوړې شوې غونډې ته په وينا کې وويل، په ولس کې د خوړو د خوندیتابه په اړه عامه پوهاوی او د مسوولانه چلند رامنځته کول د وخت مهمه اړتیا ده.

هغه وويل، «د خوړو د څانګې ارزښت له دې امله هم زیات دی، چې موږ په غنمو کې پر ځان بسیا نه یو، په راتلونکي بودجه کې به د خوړو د څانګې بودجه زیاته شي او نوي عصري ګودامونه به جوړ شي. تر ۲۰۳۰م کال پورې به خیبر پښتونخوا په ډېرو برخو کې پر ځان بسیا شي».

هغه په پنجاب کې د مسلم ليګ ن ګوند پر حکومت په نیوکو سره وویل: «د پنجاب جعلي حکومت پر خیبر پښتونخوا د غنمو لېږد بند کړی او له څو لیکونو سره سره یې غږ وانه‌ورېدل شو».

سهيل اپريدي همداراز وويل: «له خیبر پښتونخوا سره تبعيضي چلند کېږي چې دا به کرکې زیاتې کړي».

هغه پر مرکزي حکومت هم نيوکې وکړې، چې «د خیبر پښتونخوا ګاز یې بند کړی او منځنۍ طبقه ترې سخت زیانمنه شوې ده، د مرکز د غلطو تګلارو تاوان د خیبر پښتونخوا ولس پرې کوي».

د یادونې وړ ده، چې د خیبرپښتونخوا د غنمو د تولید له اړخه پنجاب ته اړ دی او د پنجاب سیمه‌ییزې ادارې له څه مودې راهیسې خیبرپښتونخوا ته د غنمو د لېږدېدو مخه نیولې ده.