سویلي وزیرستان کې د ځمکې پر سر شخړه؛ څلور کسان وژل شوي
د خیبر پښتونخوا د سویلي وزیرستان ولسوالۍ په ګل کڅ سیمه کې د جمعې په ورځ د ځمکې پر سر د شخړې له امله څلور کسان وژل شوي او دوه نور ټپیان دي.
پولیس وایي، د توي خوله تاڼې په حدودو کې د دوو ډلو ترمنځ د ځمکې پر سر نښته شوې چې په پایله کې څلور کسان وژل شوي او دوه نور ټپیان شوي دي.
د پولیسو په وینا، وژل شوي کسان د سلیمان خېل قبیلې غړي دي. ټپیان لومړی د ځایي خلکو په مرسته روغتون ته لېږدول شوي او وروسته د واڼه روغتون ته انتقال شوي دي.
پولیسو د پېښې پلټنې پیل کړې دي او وایي چې د مسولو کسانو پر ضد به قانوني ګامونه پورته کړي .
