د ازاد کشمیر پوليس: د ګډې ولسي کمېټۍ په ډزو کې ۴ امنیتي سرتيري وژل شوي او ۲۰نور ټپيان دي

ډاکټران وايي، تر هغې به خپل اعتراضي کاربنديز ته دوام ورکړي، څو په روغتونونو کې د ډاکټرانو د خوندیتوب لپاره قانون جوړ شوی نه وي او عملي اقدامات ترسره نه شي.

د شنبې په ورځ د کویټې په دولتي سېول روغتون کې پر ډاکټرې ماه نور ناصر یو کس تېزاب وپاشل. د ډاکټرې مخ سوځېدلې او بريد کوونکی په اړه ويل شوي، چې له برید وروسته له پوليسو سره په نښته کې وژل شوی دی.

د بلوچستان د ځوانو ډاکټرانو د ټولنې یوه مشر ډاکټر حفیظ الله مندوخېل افغانستان انټرنشنل پښتو ته وویل، چې دوی په ټول ایالت کې په روغتونونو کې اعتراضي کاربندیز پیل کړی او د ډاکټرانو لپاره د خوندي کاري چاپېریال غوښتنه کوي.

100%

هغه وویل: «ډاکټران یوازې بېړنیو ناروغانو، د زېږون پېښو، د زړه ناروغانو او کوچنیو ماشومانو ته خدمات وړاندې کوي، خو نور ټول طبي خدمات ځنډول شوي دي».

نوموړي زیاته کړه: «شپږ میاشتې وړاندې موږ د ایالت د روغتیا له عمومي سکرتر سره لیدلي وو او غوښتنه مو کړې وه چې په روغتونونو کې د ډاکټرانو خوندیتوب تضمین او په دې اړه قانون جوړ شي، خو زموږ غوښتنې ونه منل شوې او اوس دا پېښه رامنځته شوه».

د هغه په وینا، دوی غوښتنه کوي، چې په پنجاب ایالت کې د ډاکټرانو د خوندیتوب لپاره ځانګړي اقدامات شوي دي او ورته اقدامات باید په بلوچستان کې هم عملي شي. هغه وویل: «هره ورځ په روغتونونو کې ډاکټران له ځورونې او بریدونو سره مخ کېږي او ځان خوندي نه احساسوي».

ډاکټر مندوخېل وویل، چې که څه هم چې بریدکوونکی وژل شوی، خو دوی غوښتنه کوي چې د پېښې بشپړې او شفافې پلټنې وشي او معلومه شي چې د برید اصلي لامل څه و.

100%

هغه زیاته کړه چې تېره شپه د بلوچستان د اعلی وزیر یوه سلاکار له ډاکټرانو سره لیدلي، خو د دوی غوښتنې لا هم پر خپل ځای دي. د نوموړي په وینا، تر هغو چې د روغتیا د څانګې سکرتر له دندې ګوښه نه شي، د سېول روغتون د ادارې د بې‌پروايۍ په اړه څېړنه ونه شي او د ډاکټرانو د خوندیتوب لپاره قانون جوړ نه شي، کاربندیز به دوام ولري.

هغه خبرداری ورکړ چې که د دوو یا درېیو ورځو پورې یې غوښتنې ونه منل شي، نو پراخ اعتراضي خوځښت به پیل کړي.

د ډاکټرې ماه نور ناصر د روغتیايي وضعیت په اړه ډاکټر مندوخېل وویل، چې نوموړې ډاکټره د درملنې لپاره د کراچۍ شخصي (اغا خان) روغتون ته لېږدول شوې ده.

او د روغتون د معلوماتو له مخې، د هغې یوه سترګه روغه پاتې ده، خو په بلې سترګه کې یې شاوخوا ۶۰ سلنه لید خوندي دی. همدارنګه د هغې د مخ نږدې ۲۰ سلنه برخه زیانمنه شوې، خو عمومي روغتیايي وضعیت یې له ګوښ څخه بېرون دی.

100%

د ځوانو ډاکټرانو د ټولنې په وینا، د ډاکټرې ماه نور ناصر کورنۍ د بلوچستان د پښتون مېشتې سیمې دوکۍ اوسېدونکې ده او په کوټه کې هم استوګنځای لري.

د ټولنې د معلوماتو له مخې، نوموړې شاوخوا یو نیم کال وړاندې د طب سند(اېم بي بي اېس)ترلاسه کړی و. هغې دا مهال په سېول روغتون کې دنده ترسره کوله او ورسره یې د جراحۍ په برخه کې تخصص هم کاوه.

د ډاکټرې د پېښې پرضد د شنبې په ورځ په کویټه کې د ډاکټرانو او مدني ټولنې سره سياسي فعالو اعتراضي لاريون کړی، دغه پېښه په پراخه کچه غندل شوې او د پېښې د اصل لامل معلومولو غوښتنه هم شوې ده.

ځايي چارواکو له افغانستان انټرنیشنل پښتو سره په خبرو کې د پېښې پخلی کړی او ویلي یې دي چې یاد قراردادي د پنجاب ایالت اوسېدونکی و.

د چارواکو په وینا، ټپي شوی کس روغتون ته لېږدول شوی او د درملنې لاندې دی.

کیچ ولسوالۍ د بلوچستان له هغو سیمو څخه ده چې له اوږدې مودې راهیسې له امنیتي ستونزو سره مخ ده. چارواکو د پېښې په اړه پلټنې پیل کړې دي.

د یادونې وړ ده چې د یادې پيښې مسولیت تر اوسه پورې کومې وسله والې ډلې په غاړه نه دی اخیستی.

د پولیسو د معلوماتو له مخې، د ګوادر ولسوالۍ په پسني سیمه کې د مکران ساحلي لویې لارې ته نږدې په چاربندان کراس کې د دوو کسانو مړي موندل شوي دي.

همداراز د کیچ ولسوالۍ د دشت په خدان سیمه کې د یو بل کس مړی موندل شوی، چې د چارواکو په وینا د عطاالله په نوم پېژندل شوی دی. د هغه مړی د قانوني چارو لپاره سیمه‌ییز روغتون ته لېږدول شوی دی.

په ډېره بګټي ولسوالۍ کې بیا د قبایلي شخړې پر مهال د وسله‌والو نښتې له امله دوه کسان وژل شوي دي.

بل لوري ته په کوټه کې د یو دولتي روغتون پر ښځینه ډاکټرې د تېزابو برید شوی، چې له امله یې هغه او یو بل ځوان ټپیان شوي دي. پولیس وایي، د پېښې عامل وروسته د پولیسو سره په نښته کې وژل شوی دی.

په همدې حال کې د عبدالله خان کلا ولسوالۍ د ګلستان په سیمه کې د واده په مراسمو کې د ډزو له امله دوه ځوانان وژل شوي دي.

همداراز د موساخېل ولسوالۍ کې ناپېژاندو وسله‌والو پر یوه سیمه‌ییز خبریال لالا اسرافیل ډزې کړي چې له امله یې هغه وژل شوی دی.

پولیس وایي چې د نصیراباد ولسوالۍ په ډیره مراد جمالی او فلیجي سیمو کې د بېلابېلو پېښو او ډزو له امله د یوې ښځې په ګډون ۸ کسان ټپیان شوي دي.

چارواکي زیاتوي چې د ټولو پېښو په اړه یې پلټنې پیل کړې دي.

د پولیسو د سرچینو په وینا، په دې کې ۵۵ د جنسي تېري او ۳۷۷ د تښتونې قضیې شاملې دي.

د جنسي تېري د ۵۵ قضیو له ډلې ۱۵د اسلام اباد په سوان زون، ۱۳ په صدر، ۱۲ په کلیوالي، ۹ په صنعتي او ۶ په ښاري زون کې ثبت شوې دي.

د تښتونې د ۳۷۷ قضیو له مخې ۹۹ په صدر، ۸۹ په سوان، ۷۶ په کلیوالي، ۴۴ په ښاري او ۲۹ په صنعتي زون کې ثبت شوې دي.

پولیس وايي، په ځینو پېښو کې جدي جرمونه هم شامل دي. د فبرورۍ پر ۲۸مه په پنډوریان کې درې کسانو پر یوه هلک جنسي تېری کړی او د پېښې ویډیو یې ثبت کړې ده.

همداراز د پاکستان قانون د ۳۷۵-الف مادې له مخې ۳ قضیې ثبت شوې دي چې پکې ۳ نجونې او ۱ هلک قربانیان دي.

د ۳۷۶ مادې لاندې ۲۴ قضیې ثبت شوې دي چې پکې ۱۵ نجونې، ۳ښځې او ۱ هلک شامل دي، او د ۳۷۶-ج مادې له مخې ۱۰ نورې قضیې ثبت شوې دي چې پکې ۸ نجونې او ۲ هلکان قربانیان دي.

په یوه بله پېښه کې د مې پر ۴مه یو سړی د اسلام‌اباد له ایف-۶سیمې تښتول شوی او وروسته یې مړی د خېبر پښتونخوا په مردان کې موندل شوی دی.

د ځوانو ډاکټرانو ټولنې د معلوماتو له مخې، دا پېښه د روغتون دننه د دندې پر مهال رامنځته شوې، چې له امله یې ډاکټره ماه نور ناصر سخت ټپي شوې او د درملنې لاندې ده.

یادې ټولنې مخکې ویلي وو چې برید د جمعې په ورځ د غرمې له ۱۲:۰۰څخه تر ۱۲:۳۰ بجو پورې شوی، او بریدګر د روغتون یو کارکوونکی و چې د برقي زینې مسؤلیت یې درلود.

د راپورونو له مخې، بریدګر د ډاکټرې د خونې دروازه وټکوله او کله چې نوموړې دروازه پرانیسته، پر هغې یې تېزاب وشیندل.

له پېښې وروسته د روغتون ډاکټرانو او روغتیايي کارکوونکو احتجاجونه پیل کړي او د عادي روغتیايي خدماتو د بندېدو اعلان یې کړی دی. دوی د روغتیا د سکرتر، د ملکي روغتون د مشر او د امنیتي مسول له دندې د لرې کولو غوښتنه کړې ده.

په همدې حال کې، پولیسو ویلي چې د پېښې له رامنځته کېدو وروسته یې د تورن د نیولو لپاره پراخ عملیات پیل کړل. د پولیسو په وینا، تورن همایون شاه د کوټې ښار د سریاب سیمې د کچي بېګ په سیمه کې د بسونو تمځای ته نږدې وموندل شو.

چارواکي وايي، کله چې ورته د تسلیمېدو امر وشو، هغه پر پولیسو ډزې وکړې چې په ځوابي ډزو کې سخت ټپي شو او وروسته یې ساه ورکړه. پولیس زیاتوي چې د پېښې له ځایه یې یوه تومانچه، څلور مرمۍ هم ترلاسه کړي دي.

د بلوچستان اعلی وزیر میر سرفراز بګټي ویلي، حکومت به د ټپي شوې ډاکټرې د درملنې، بیارغونې او ټولو روغتیايي لګښتونو ذمه واري پر غاړه واخلي. د چارواکو په وینا، ماه نور ناصر د لا پرمختللې درملنې لپاره د «ایېر امبولانس» له لارې له کوټې څخه کراچۍ ته لېږدول شوې ده.

بل لوري ته د پېښې انګېزه لا روښانه نه ده. د ډاکټرې د کورنۍ یوه نږدې غړي د افغانستان انټرنشنل پښتو ته ویلي، چې د دوی له هېچا سره شخصي دښمني یا شخړه نه وه.

په همدې حال کې د ځوانو ډاکټرانو ټولنې اعلان کړی چې د یکشنبې په ورځ به له ملکي روغتون څخه د کوټې د مطبوعاتو دفتر پورې سوله‌ییز لاریون ترسره کړي او د روغتیايي کارکوونکو لپاره د لا قوي امنیت غوښتنه وکړي.

دغه پېښه یو ځل بیا په دولتي روغتونونو کې د ډاکټرانو او روغتیايي کارکوونکو د امنیت په اړه جدي اندېښنې راپورته کړې دي.