ټرمپ: له هوکړې مخکې به د ایران کنګل شوې شتمنۍ ازادې نه شي
د امریکا ولسمشر ډونالډ ټرمپ ویلي، تر څو چې له ایران سره یوې هوکړې ته ونه رسیږي، تر هغه به د ایران کنګل شوې شتمنۍ ازادې نه کړي او نه به هم پر تهران لګېدلي بندیزونه لرې کړي.
ډونالډ ټرمپ د اېنبيسي نیوز په یوه خپرونه کې وویل چې د ایران د شتمنیو د ازادولو او د بندیزونو لرې کولو په اړه به له تهران سره تر هوکړې رسېدو وروسته غور وکړي.
ټرمپ وویل:«دا به له هوکړې وروسته وي. که هغوی مناسب چلند وکړي او ښه همکاري وکړي، نو بیا به خبرې پیل کړو».
ټرمپ په خپلو خبرو کې ویلي، چې دی له تهران سره په لنډمهاله هوکړه کې د لبنان د شاملولو په تړاو کومه غوښتنه نه لري او دا موضوع د دې معاملې شرط نه دی.
