د سویلي اسیا هنډبال سیالۍ؛ د افغانستان د هنډبال ۳۴ کسيزه لوبډله بنګلهدېش ته ولاړه
د طالبانو تر واک لاندې د المپيک، بدني روزنې او ورزش عمومي رياست اړوند د هنډبال فدراسیون خبر ورکړی، چې د سویلي اسیا چېلنج ټرافي سياليو کې د ګډون لپاره د افغانستان تر ۱۸ کلنو او ۲۰ کلنو کم عمره ۳۴ کسيزه هنډبال لوبډله بنګلهدېش ته ولاړه.
دغه سيالۍ به د بنګلهدېش په کوربهتوب د سویلي اسیا د ۱۰ هېوادونو ترمنځ د روان زېږدیز کال د جون له ۱۰مې تر ۱۴مې نېټې پورې ترسره شي. یاد فدراسیون د دغه هېوادونو نومونه نهدي په ډاګه کړي.
د دغه فدراسیون په وینا؛ له دې ډلې به تر ۲۰ کلنو کم عمره هنډبال لوبډله لومړۍ لوبه د بنګلهدېش او تر ۱۸ کلنو کم عمره لوبډله به د مالديف په وړاندې د جون په ۱۰مه د لوبو ډګر ته ښکته شي.
