افغانه مېرمن: د طالبانو له لاسه روغتون ته د تګ اجازه هم نه لرو

یو بل هرات مېشتي ویلي، طالبانو د هرات حوزوي روغتون یوه روغتیاپاله د یادې ډلې د خوښې حجاب د نه مراعتولو په تور د هغې د مېړه په وړاندې نیولې ده. د راپورونو له مخې؛ د هرات ښار په بېلابېلو برخو کې د ښځو د نیولو د پېښو له زیاتېدو سره د دغه ولایت د اوسېدونکو اندېښنې او وېره هم زیاته شوې ده.
د هرات یوه اوسېدونکي ویلي، چې د ښځو او نجونو د نیولو لړۍ له پراخېدو سره «پر ښار د وېرې او اندېښنې فضا خپره شوې ده». د هرات بل اوسېدونکي بیا ویلي: «ښځې او نجونې نور دا جرات نه‌لري، چې کوڅو او بازارونو ته ووځي؛ ځکه د نیولو وېره لري او بیا به یې د اوږدې مودې لپاره د برخلیک په اړه معلومات نه‌وي».

هغه له خلکو غوښتي، چې د افغان ښځو او نجونو د حقونو د دفاع لپاره سره یو شي. د هرات یو بل اوسېدونکي هم ویلي، کله چې له خپلې خور سره بازار ته روان و سره له دې چې خور یې بشپړ حجاب لاره؛ خو د طالبانو د امر بالمعروف مامورانو ورسره ناسم چلند کړی دی.

د راپور له مخې؛ طالبانو په وروستیو میاشتو کې په بېلابېلو ولایتونو او په ځانګړي ډول هرات کې ګڼې ښځې او نجونې د هغه څه له امله نیولې، چې دوی یې «د حجاب نه مراعتول» بولي. همدارنګه د طالبانو د امر بالمعروف د مامورانو له‌خوا د ښځو او نجونو سره د تاوتریخوالي ډک چلند راپورونه هم خپاره شوي دي. طالبانو لاتراوسه د دغه نیونو په اړه څه نه‌دي ویلي.

د نوموړي په وینا؛ د یکشنبې په ورځ (د غبرګولي ۱۷مه) د هرات په څلورلاري کې طالبانو داسې ښځه موټر ته پورته کړه، چې بشپړ حجاب یې کړی و. هغه وایي، دغه ښځې عربي حجاب لاره، تور پړونی یې په سر و او ماسک یې هم لاره؛ خو بیاهم طالبانو د «بې‌حجابۍ » په تور ونیوله.

د هرات یوې اوسېدونکې هم افغانستان انټرنشنل ته ویلي، طالبانو یې یوه ملګرې چې پړونی او بشپړ حجاب یې لاره ونیوله. هغه ادعا کوي، چې نوموړې د سینګار او د اغوستلو ډول له امله نیول شوې ده.

طالبانو له دوو اونیو راهیسې لسګونه ښځې نیولې دي. د راپورونو له مخې؛ د دغه اقدام له امله په هرات کې د وېرې فضا خپره شوې او د ښځو تګ‌راتګ خورا کم شوی دی.
یوې ښځې په یوه پیغام کې ویلي: «هرات کې د ښځو وضعیت ډېر بد دی، هغه څه چې ویډیوګانو کې لېدل کېږي د هغې نیمایي برخه هم نه‌دي کوم چې په هرات کې پر ښځو تېرېږي».

احسان‌الله فاروقي په یوه ویډیو کې افغانستان انټرنشنل ته وویل، چې په دې پېښه کې سخت ټپي شوی او تر اوسه یې د درملنې لړۍ روانه ده.

هغه زیاتوي چې له هغه وخت راهیسې یې څو ځله د طالبانو نظامي او ملکي محکمو ته مراجعه کړې، خو په وینا یې هېڅ نتیجه یې نه ده ترلاسه کړې.

فاروقي وايي، شکایت یې لا هم نه دی څېړل شوی او د رسیدګي بهیر درېدلی دی.

هغه همدارنګه ادعا کوي چې ځینو عدلي او قضایي چارواکو ورته ویلي: «پر ښاروال زموږ زور نه رسېږي».

د فاروقي په وینا، په دې موده کې یې د درملنې لګښتونه سلګونه زره افغانۍ ته رسېدلي، خو هېڅ مرسته یې نه ده ترلاسه کړې.

نوموړی وايي، د طالبانو د امام صاحب ولسوالۍ ښاروال قاري نبي یې نه پوښتنې ته ورغلی او نه یې د تاوان د جبران لپاره کوم اقدام کړی دی. هغه پوښتنه کوي: «ایا د طالبانو چارواکي له قانون پورته دي؟».

افغانستان انټرنشنل د دغو ادعاوو په اړه د طالبانو له ویاند ذبیح‌الله مجاهد څخه وضاحت غوښتی، خو د راپور تر خپرېدو پورې کوم ځواب نه دی ترلاسه شوی.

یو طالب سرچینې افغانستان انټرنشنل پښتو ته په استولي پیغام کې ادعا کړې چې د هرات د امر بالمعروف او نهی عن المنکر ریاست په یوې غونډه کې ګډونوالو ته داسې لارښوونې او مکتوبونه وېشلي چې له مخې به یې د ښځو د حجاب د څار او کنټرول لپاره نوي اقدامات عملي کېږي.

د سرچینې په وینا، په یاده غونډه کې د هرات ولایت د یوې پرېکړې جزییات هم ګډونوالو ته رسېدلي دي. نوموړی ادعا کوي چې دا پرېکړه د ولایت د والي او د امر بالمعروف ریاست د چارواکو په ګډون په یوه غونډه کې شوې او ټاکل شوې چې د شوراګانو د رییسانو، د ګذر د وکیلانو او د جوماتونو د امامانو له لارې خلکو ته ورسول شي.

د سرچینې د معلوماتو له مخې، په پرېکړه کې راغلي چې د بې‌حجابۍ د مخنیوي او د حجاب اړوند د «شرعي احکامو» د پلي کېدو په موخه به هغه ښځې چې له چادرۍ پرته، په لوڅ مخ، تنګو جامو یا له سینګار سره په بازارونو او عامه ځایونو کې ولیدل شي، د ځانګړو ګزمويي ډلو له خوا ونیول شي.

سرچینه زیاتوي چې دغه ډلې به د امر بالمعروف د استازو ترڅنګ له ښځینه او نارینه پولیسو څخه جوړې وي او سرغړونکي ښځې به د هرات ښځینه زندان ته ولېږدول شي.

د سرچینې په وینا، ټاکل شوې چې د دې پرېکړې عملي کېدل د ۱۴۰۵ کال د غبرګولي له ۱۶مې نېټې، چې د شنبې له ورځې سره برابره ده، پیل شي.

د یادونې وړ ده چې دا یوازې د هرات ولایت د یوه اوسېدونکي روایت دی، افغانستان انټرنشنل- پښتو یې په خپلواکه توګه نه تاییدوي.

دوی د هغو اسنادو انځورونه هم استولي چې په وینا یې د افغان سوداګرو او کډوالو د توکو د انتقال لپاره کارول کېږي. دوی ادعا کوي چې دغه سندونه پېښور کې د طالبانو د کونسلګرۍ د سوداګرو د اتشه مفتي محمد ګل سعید له لوري د کمېشن‌کارانو په وسیله پلورل کېږي.

د دغو کډوالو په وینا، هر سند د شاوخوا اووه سوه زره پاکستانیو کلدارو په بدل کې ترلاسه کېدای شي او هغه کسان چې غواړي خپل توکي او د هټیو سامانونه افغانستان ته انتقال کړي، اړ کېږي د کمېشن‌کارانو له لارې دغه پیسې ورکړي.

دوی زیاتوي چې د افغانستان او پاکستان ترمنځ د سوداګرۍ د محدودیتونو او د افغان کډوالو د اېستلو له روان بهیر سره هممهاله، ګڼ شمېر افغان سوداګر هڅه کوي خپل سوداګریز توکي افغانستان ته انتقال کړي، خو د انتقال د اسنادو ترلاسه کول کې له ستونزو او اضافي لګښتونو سره مخ شوي دي.

د دوی په وینا، سوداګر دغه اسناد ځکه اخلي چې د توکو د انتقال پر مهال، په ځانګړي ډول د پېښور د عمري کمپ او نورو اړوندو ادارو کې، له احتمالي خنډونو او ستونزو سره مخ نه شي.

د یادونې وړ ده چې دا یوازې پېښور کې د یو شمېر افغان کډوالو روایت دی، افغانستان اڼترنشنل-پښتو یې په خپلواکه توګه نه شي تاییدولی.