اسراییل یو وار بیا پر ایران برید وکړ
اسراییلي پوځ د یوې خبرپاڼې په خپرولو سره ویلي، چې د دوی هوايي ځواک په لوېدیځ او مرکزي ایران کې پر ځینو موخو بریدونه کړي دي. اسراییلي پوځ ویلي، چې د برید جزییات به وروسته اعلان شي.
ورته مهال د ایران دولتي خبري اژانسونو په تهران او نورو ځایونو کې د زورورو چاودنو راپور ورکړی دی. سپاه پاسداران پورې اړوند تسنیم خبري اژانس د ځینو سرچینو په حواله راپور ورکړی، چې اسراییل په تهران، اصفهان، تبرېز او د ایران په لوېدیځ کې ځینې ځایونه په نښه کړي دي.
تسنیم دارنګه ویلي، چې د کارج په سیمه کې هم د چاودنې غږ اورېدل شوی دی. دا په داسې حال کې ده، چې تر دې وړاندې ایران پر اسراییل توغندیز برید کړی و.
د اسراییلي پوځ ویاند بیا ویلي، ایران په وروستي توغندیز برید یوه «لویه تېروتنه» کړې. هغه زیاته کړې، چې د اسراییل پوځ د ایران لهخوا د هر ډول احتمالي برید لپاره بشپړ چمتووالی لري.
