فارن پالیسي: ټرمپ داسې جګړه پیل کړې چې کنټرولولی یې نهشي
فارن پالیسي مجلې په یوه تحلیلي راپور کې د یکشنبې شپې د ایران او اسراییل ترمنځ مستقیمو نښتو ته په اشارې لیکلي، چې د امریکا ولسمشر ډونالډ ټرمپ غواړي د ایران جګړه پای ته ورسوي؛ خو حزبالله او اسراییل بل ډول نظرونه لري.
فارن پالیسي د دوشنبې په ورځ (د غبرګولي ۱۸مه) په یوه تحلیلي راپور کې لیکلي: «سره له دې چې ډونالډ ټرمپ د سولې یوې هوکړې ته د رسېدو لپاره یې له میاشتو ناکامو هڅو وروسته هم ټینګار کاوه، چې د وضعیت کنټرول په لاس کې لري؛ په عمل کې د موټر له چلوونکي څخه څنګ ته کړل شوی او د ایران د جګړې یو مساپر ګرځېدلی دی. د دې تاثر رامنځته کولو هڅو سره چې هرڅه لاهم د هغه تر کنټرول لاندې دي او د میدان د پېچلو واقعیتونو په ردولو سره یوازې یوې هوکړې ته رسېدل لا ستونزمن کړي دي».
د یادې مجلې په لیکنه؛ د جګړې د مسیر په ټاکلو کې د ټرمپ د وړتیا محدودوالی د یکشنبې په ماښام څرګند شو؛ هغه مهال چې اسراییل او ایران له دوه میاشتني اوربند وروسته د لومړي ځل لپاره یو وار بیا بریدونه پیل کړل.
