• العربية
  • فارسی
  • English
Brand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo
لوبې

د افغانستان، هند او سریلانکا الف لوبډلو ترمنځ د درې اړخیزه سیالیو جام نندارې ته وړاندې شو

۱۹ غبرگولی ۱۴۰۵ - ۹ جون ۲۰۲۶، ۰۴:۵۳ GMT+۱

د افغانستان، هند او سریلانکا د الف کرېکټ لوبډلو ترمنځ د درې اړخیزه یو ورځنیو سیالیو جام نن د درې واړو لوبډلو د لوبډلمشرانو په حضور کې نندارې ته وړاندې شو. ټاکل شوې ده، چې دغه سیالۍ د ۱۴۰۵کال (د غبرګولي له ۱۹مې تر ۳۱مې) پورې د سریلانکا د دمبولا ښار په کوربه‌توب ترسره شي.

د افغانستان الف لوبډله چې د «افغان ابدالیانو» په نوم هم پېژندل کېږي، خپله لومړۍ لوبه به (د غبرګولي ۲۱مه) د هند الف لوبډلې پر وړاندې ترسره کړي. افغان ځوان لوبغاړي به وروسته (د غبرګولي ۲۳مه) د سریلانکا الف لوبډلې سره مخامخ شي.

د افغانستان کرېکټ بورډ د اعلان له مخې؛ درې واړه لوبډلې به په ډله‌ییز پړاو کې دوه ـ دوه ځله د یو بل پر وړاندې ولوبېږي او د جدول دوه مخکښې لوبډلې به پای‌لوبې ته لار ومومي.

د افغان ابدالیانو په لوبډله کې عمران میر (لوبډلمشر)، نورالرحمان، محمد اسحاق، خالد تڼی‌و‌ال، حسن عیسی‌خېل، اعجاز احمدزی، بهیرشاه محبوب، فیصل خان شینوزاده، شمس‌الرحمان، فرمان‌الله صافی، خلیل ګربز، ظاهرخان پکتین، فریدون داوودزی، محمد ابراهیم عبدالرحیم‌زی او عبدالله احمدزی شامل دي.

د سیالیو مهالوېش:

* د غبرګولي ۱۹مه: سریلانکا– هند
* د غبرګولي ۲۱مه: افغانستان – هند
* د غبرګولي ۲۳مه: افغانستان – سریلانکا
* د غبرګولي ۲۵مه: سریلانکا – هند
* د غبرګولي ۲۷مه: افغانستان -هند
* د غبرګولي ۲۹مه: افغانستان – سریلانکا
• د غبرګولي ۳۱مه: پای لوبه

100%

ترویج لرونکی

پاکستان د اې‌سي‌سي کارت لرونکو کسانو لپاره د پاکستاني تابعیت ثابتولو نوې کړنلاره اعلان کړه
۱

پاکستان د اې‌سي‌سي کارت لرونکو کسانو لپاره د پاکستاني تابعیت ثابتولو نوې کړنلاره اعلان کړه

۲

واک ته د طالبانو له رسېدو راهیسې پاکستان پر افغانستان ۸ لوی بریدونه کړي

۳

د طالبانو د بلخ والي ویاند: د افغان ښځو د «بې‌حجابه کولو» هڅې ناکامې شوي

۴

محمد اشرف غني د پاکستان بریدونه غندلي او په هېواد کې یې د مشروعیت کړکېچ د حل غوښتنه کړې

۵

طالبانو په کنړ، خوست او پکتیا کې د پاکستان هوايي بریدونه تایید کړل

•
•
•

نور کیسې

طالبانو په ازبکستان کې د رزمي ورزشونو افغان مډال ګټونکي وستایل

۱۸ غبرگولی ۱۴۰۵ - ۸ جون ۲۰۲۶، ۰۲:۰۴ GMT+۱
طالبانو په ازبکستان کې د رزمي ورزشونو افغان مډال ګټونکي وستایل
100%

د طالبانو د المپيک، بدني روزنې او ورزش رياست د ازبکستان په کوربه توب د رزمي ورزشونو اسيايي سياليو ته د لارموندنې څلورم پړاو او نويو ځوانانو اسيايي سياليو کې مډال ګټونکي لوبغاړي د يوې ځانګړې غونډې په ترڅ کې د ډاليو په ورکړې سره وستایل.

د طالبانو د المپيک، بدني روزنې او ورزش رياست د یکشنبې په ورځ (د غبرګولي ۱۷مه) د یوې خبرپاڼې په خپرولو سره ویلي، د رزمي ورزشونو اسيايي سياليو ته د لارموندنې څلورم پړاو کې ۱۳ افغان لوبغاړو، څلورو روزونکو او يوه پلاوي ګډون کړی وو، چې له ډلې يې سمیع‌الله حميدي د سپينو زرو مډال، نصرت جلالي، واصل مردان، احمد رضا ايماق او پرويز کاپيسا‌وال د ژېړو مډالونه ترلاسه کړل.

د خبرپاڼې له‌مخې، د نويو ځوانانو اسيايي سياليو کې بیا پنځو لوبغاړو، يوه روزونکي او يوه پلاوي ګډون کړی وو، چې روحيد ستانکزي په‌کې د سپينو زرو مډال او محمد قاسمي د ژېړو مډال ګټونکی شول.

د یادونې وړ ده، چې په ټوله کې له يادو سياليو څخه افغان لوبغاړو ۲ د سپينو زرو او ۵ د ژېړو مډالونه ترلاسه کړي دي.

د سن‌پټرزبورګ ورزشي غونډه کې د ورزش پر نه سیاسي کېدو ټینګار شوی

۱۷ غبرگولی ۱۴۰۵ - ۷ جون ۲۰۲۶، ۰۵:۳۸ GMT+۱
د سن‌پټرزبورګ ورزشي غونډه کې د ورزش پر نه سیاسي کېدو ټینګار شوی
100%

د روسیې په سن‌پټرزبورګ ښار کې د نړیوالې اقتصادي غونډې په ترڅ کې د ورزش او المپیکي همکاریو په اړه جوړه شوې ناسته کې د ورزش پر نه سیاسي کېدو او د ټولو لوبغاړو لپاره د برابر ګډون پر حق ټینګار شوی.

په دې غونډه کې د طالبانو د المپیک، بدني روزنې او ورزش ریس احمدالله وثیق، د روسیې د ورزش وزیر میخایل دیګتیاریوف او د یو شمېر نورو هېوادونو د ورزش وزیرانو او ورزشي چارواکو ګډون کړی و.

ګډونوالو ویلي چې ورزش باید له سیاسي مسایلو لرې وساتل شي او د المپیک نړیواله کمېټه باید د بېلابېلو هېوادونو شرایطو ته په پام سره د نړیوالو او المپیکي سیالیو لپاره د ټولو ورزشکارانو د ګډون زمینه برابره کړي.

په دغه غونډه کې د المپیکي بهیر پر وړاندې د شته ننګونو، د نړیوالو ورزشي همکاریو د پراختیا او د هېوادونو ترمنځ د اړیکو د پیاوړتیا پر لارو چارو هم بحث او خبرې شوي.

په بدخشان کې د اتو لوبډلو ترمنځ د وزلوبې سیالۍ پیل شوې

۱۶ غبرگولی ۱۴۰۵ - ۶ جون ۲۰۲۶، ۲۳:۴۸ GMT+۱
په بدخشان کې د اتو لوبډلو ترمنځ د وزلوبې سیالۍ پیل شوې
100%

په بدخشان کې د اتو لوبډلو په ګډون د وزلوبې د دښت شیوه د څلورم پړاو سیالۍ پیل شوې. د طالبانو تر کنټرول لاندې د المپیک، بدني روزنې او سپورټ ریاست په یوې خبرپاڼه کې ویلي، چې دغه سیالۍ د وزلوبې، نیزې وهلو او دودیزو لوبو د ملي فدراسیون په کوربتوب پیل شوې دي.

د طالبانو د المپیک، بدني روزنې او سپورټ ریاست د شنبې په ورځ (د غبرګولي ۱۶مه) د یوې خبرپاڼې په خپرولو سره ویلي، په دغو سیالیو کې د بدخشان له مرکز او ولسوالیو څخه اته ګډونوالې لوبډلې په دوو ګروپونو کې تنظیم شوې دي.

دغه لوبې به د دښت شیوه په سیمه کې د پنځو ورځو لپاره دوام وکړي، چې په ترڅ کې به یې بېلابېلې لوبډلې له یو بل سره سیالۍ وکړي.

د دغه تورنمنټ په لومړۍ لوبه کې د شاهین یفتل لوبډله د عقابان بهارستان د لوبډلې پر وړاندې میدان ته ووته. په دغې لوبه کې د شاهین یفتل لوبډلې وکولای شول چې د عقابان بهارستان لوبډلې ته یو د ۳ پر وړاندې پایلې سره ماتې ورکړي او د دغو سیالیو لومړۍ بریا په خپل نوم کړي.

د بدخشان د بدني روزنې او سپورټ ریاست بیا وایي، چې د دغو دودیزو لوبو له ترسره کولو موخه په سیمه کې د وزلوبې وده او د ځوانانو ترمنځ د همغږۍ رامنځته کول دي.

د افغانستان د کرېکټ الف لوبډله په درې اړخیزه لوبلړۍ کې د ګډون په موخه سریلانکا ته لاړه

۱۶ غبرگولی ۱۴۰۵ - ۶ جون ۲۰۲۶، ۱۸:۱۳ GMT+۱
د افغانستان د کرېکټ الف لوبډله په درې اړخیزه لوبلړۍ کې د ګډون په موخه سریلانکا ته لاړه
100%

د افغانستان کرېکټ بورډ وايي، د کرېکټ الف لوبډله د هند او سریلانکا د الف لوبډلو پر وړاندې په ۳ اړخیزه لوبلړۍ کې د ګډون په موخه نن سهار د سریلانکا پر لوري روانه شوه. افغان لوبډله به د یادو سیالیو په ترڅ کې د راتلونکې پنجشنبې په ورځ خپله لومړۍ لوبه د هند پر وړاندې ترسره کړي.

د افغانستان د کرېکټ بورډ په وینا، دغه سیالۍ به د سریلانکا په ډمبولا ښار کې ترسره شي او په ډله‌ییز پړاو کې درې ګډونوالې لوبډلې به دوه ځله له یو بل سره سیالۍ وکړي او د یادې لوبلړۍ په پای کې د جدول دوه غوره لوبډلې به پایلوبې ته لاړې شي.

د افغانستان د کرېکټ الف لوبډلې لوبډلمشري د عمران میر پر غاړه ده.

دا په داسې حال کې ده، چې د افغانستان د کرېکټ ملي لوبډلې هم نن د هند پر وړاندې یوازنۍ ټېسټ لوبه پیل کړه.

هند د افغانستان پر وړاندې ټېسټ سیالي؛ تر ۲۱ اورونو وروسته ۸۴ منډې او د یوې ویکټې زیان

۱۶ غبرگولی ۱۴۰۵ - ۶ جون ۲۰۲۶، ۰۶:۴۷ GMT+۱
هند د افغانستان پر وړاندې ټېسټ سیالي؛ تر ۲۱ اورونو وروسته ۸۴ منډې او د یوې ویکټې زیان
100%

د افغانستان او هند د کرکټ ملي لوبډلو ترمنځ د یوازینۍ ټېسټ سیالۍ په لومړۍ ورځ هند د پچې په ګټلو سره لومړی د توپوهنې پرېکړه کړې، او تر ۲۱ اورونو پورې یې د یوې ویکټې په زیان ۸۴ منډې جوړې کړې دي.

د سیالۍ په پیل کې د دواړو لوبډلو د لوبډلمشرانو له لوري د لوبې جام نندارې ته وړاندې شو او وروسته د پچې په ګټلو سره د هند لوبډلې پرېکړه وکړه چې لومړی توپوهنه وکړي.

افغان توپ اچوونکو د لوبې په لومړیو شېبو کې بریا ترلاسه کړه او د هند د پیلیز توپوهونکي یشاسوي جیسوال ویکټ یې ترلاسه کړه. نوموړی د محمد سلیم ساپي له لوري په ۲۴ منډو وسوځول شو.

په دغه سیالۍ کې له افغانستانه ځوان الراونډر ننګیال خروټی د لومړي ځل لپاره د ټېسټ کرکټ په ډګر کې د ملي لوبډلې په ترکیب کې شامل شوی او خپله لومړۍ لوبه ترسره کوي.

تر ۲۱ اورونو وروسته د هند لوبډله د یو لوبغاړي په زیان ۸۴ منډې لري او لوبه لا هم روانه ده.