اسراییلي پوځ د لبنان په سویل کې خلکو ته د سیمې پرېښودو امر کړی
اسراییلي پوځ د سېشنبې په ورځ (د غبرګولي ۱۹مه) د یوې خبرپاڼې په خپرولو سره ویلي، چې د لبنان په سویل کې یې د عیسوي مېشتو سیمو په ګډون د صور ښار اوسېدونکو ته له یادې سیمې د وتلو امر کړی.
دا په داسې حال کې ده، چې د یاد ښار ځینې سیمې وړاندې له ورته امرونو مستثنا وې. د اسراییل پوځ ویلي، چې د حزبالله ځواکونه په دغه سیمه کې فعالیت کوي. د تخلیې په پخوانیو امرونو کې عیسوي مېشتې سیمې وړاندې له دغه ډول ګواښونو مستثنا وې.
دغه ادارې وړاندې د یادې سیمې اوسېدونکو ته خبرداری ورکړی و، که چېرې په سیمه کې د حزبالله حضور دوام ومومي؛ نو دوی ته به هم د وتلو امر صادر شي.
