د پاکستان تر واک لاندې کشمیر کې یوه پوځي چورلکه غورځېدلې
د پاکستان پوځ ویلي چې د یاد هېواد تر کنټرول لاندې د کشمیر په مظفر اباد کې یې یوه اېمای ۱۷ پوځي چورلکه راغورځېدلې او د الوتکي ټوله عمله په پېښه کې مړه شوې. جمو او کشمیر په دې وروستیو کې د لاریونونو او تاوتریخوالي شاهد دی.
د پاکستان د پوځ له لوري په خپره شوې خبرپاڼه کې راغلي، چې یاده پوځي چورلکه د چارشنبې په ورځ په مظفراباد سیمه کې د تخنیکي ستونزې له امله راغورځېدلې او ټول سپاره کسان په پېښه کې مړه شوي دي.
د پاکستان پوځ ویلي، چې د چورلکې د راغورځېدو سیمې ته د ژغورنې ډلې ترڅنګ د پلټنې ډلې هم رسېدلي، څو یاده پېښه هر اړخیزه و ارزوي.
