ټرمپ وایي امریکا به نن شپه پر ایران سخت برید وکړي
د امریکا ولسمشر ډونالډ ټرمپ د پنجشنبې په ورځ وویل چې متحده ایالات به ایران ته نن شپه ډېره سخت ضربه ورکړي او ډېر ژر به د دغه هېواد د تېلو او ګازو پر زیربناوو او بازارونو کنټرول ترلاسه کړي.
هغه په خپله ټولنیزه شبکه کې لیکلي، چې په ډېر نږدې راتلونکي کې به امریکا د ایران د تېلو او ګازو د مهمو تاسیساتوپه ګډون د خلیج د خارګ ټاپو او نورو ځایونوکنټرول په لاس کې واخلي.
ټرمپ وویل چې دا به د دوی د تېلو او ګازو بازارونو د بشپړ کنټرول په معنا وي او زیاته یې کړه،«لکه څنګه چې موږ په وینزویلا کې کړی دی.»
