د برېتانیا د دفاع وزیر جان هیلې له دندې استعفا ورکړه
د برېتانیا د دفاع وزیر جان هیلې د پنجشنبې په ورځ د پوځي لګښتونو پر سر د اختلاف له امله استعفا ورکړه او لومړي وزیر کیر سټارمریې تورن کړ چې د هېواد د دفاع لپاره اړینې دولتي سرچینې نه برابروي.
د رویټرز د رپوټ له مخې، دغه ناڅاپي استعفا، چې یو توند او انتقادي علني لیک هم ورسره مل دی، د سټارمر پر حکومت فشار نور هم زیات کړی دی.
د برېتانیا د دفاع او مالیې وزارتونه له میاشتو راهیسې د دې لپاره په خبرو بوخت دي چې څنګه د پوځي لګښتونو د زیاتوالي اړتیا پوره کړي، چې له امله یې د دفاعي پانګونې پلان ځنډېدلی.
