سياېناېن: د خطرناکو موادو له یوې پېښې وروسته د پنټاګون څو پوړونه تخلیه شوي
د امریکا د ارلینګټن ولسوالۍ د اور وژنې او بېړنیو مرستو چارواکو ویلي، اور وژونکو د پنجشنبې په ورځ د پنټاګون ودانۍ کې د خطرناکو موادو اړوند د یوې پېښې څېړنه کړې. یادې رسنۍ د سرچینو په حواله راپور ورکړی چې پنټاګون د احتیاطي تدابیرو په توګه قرنطین شوی او د ودانۍ څو پوړونه تخلیه شوي.
د پنټاګون ویاند هم تایید کړې چې د ودانۍ داخلي څارنیزو سیستمونو د «هوا د کیفیت ستونزه» تشخیص کړې ده.
د نوموړي په وینا، تر هغه چې د دې ستونزې ماهیت او اهمیت په بشپړه توګه روښانه نه شي، احتیاطي اقدامات به دوام ولري.
تر اوسه چارواکو د یادې پېښې د اصلي لامل، د خطرناکو موادو د ډول او یا هم د احتمالي زیانونو او ټپیانو په اړه نور جزییات نه دي خپاره کړي.
