د ملګرو ملتونو سرمنشي پر امریکا او ایران غږ کړی چې بېرته اوربند ته را وګرځي
د ملګرو ملتونو سرمنشي انتونیو ګوترېش د منځني ختیځ د کړکېچ پر زیاتېدو «ژوره اندېښنه» ښودلې او پر تهران او واشنګټن یې غږ کړی، چې بېرته اوربند ته را وګرځي.
د ملګرو ملتونو یوه ویاند ویلي، ګوترېش له ټولو اړخونو غواړي چې د اوربند بشپړ پلیتابه ته ستانه شي او د وضعیت له لا خرابېدو ډډه وکړي، ځکه دا کړکېچ د بشپړې جګړې پر لور تلای شي.
