ګراهام: د اسلامي جمهوریت مشران «افراطي مذهبي نازیان» دي
د امریکا د جمهوري غوښتونکي ګوند سناتور لینډسي ګراهام پر خپل ایکس لیکلي ډېر خوشحال دی چې ټرمپ د ایران د رسنیو هغه راپورونه جعلي وبلل چې د یوې ادعا شوې هوکړې په اړه خپاره شوي دي. هغه د ایران مشران «افراطي مذهبي نازيان» بللي دي.
ګراهام ویلي چې ټرمپ او د امریکا پوځ د ستاینې وړ دي، ځکه چې د موثرو پوځي بریدونو او سخت محاصرې په ګډه یې ایران د تېرو ۴۷ کلونو په پرتله تر ټولو کمزوري حالت ته رسولی دی.
هغه زیاته کړې چې د ایران اسلامي جمهوریت ۴۲ زره کسان یوازې د ښه ژوند غوښتنې له امله وژلي او د دغه هېواد رهبران یې «افراطي مذهبي نازیان» بللي دي.
ګراهام همدارنګه ویلي د ایران په اړه د ټرمپ سره کرښه دا ده چې ایران به هیڅ کله اټومي وسلو ته لاسرسی پیدا نه کړي او دا اصل باید وساتل شي.
