ټکزاس کې په يوه وسلهوال برید کې يو کس وژل شوی او ۱۰ نور ټپيان شوي
د امریکا په ټکزاس ايالت کې د يوه وسلهوال په ډزو کې لږ تر لږه یو کس وژل شوی او ۱۰ نور ټپيان شوي دي. پوليسو ويلي، بريدګر هم له پوليسو سره په نښته کې وژل شوی دی.
د امریکا په ټکزاس ايالت کې د يوه وسلهوال په ډزو کې لږ تر لږه یو کس وژل شوی او ۱۰ نور ټپيان شوي دي. پوليسو ويلي، بريدګر هم له پوليسو سره په نښته کې وژل شوی دی.
د ډيليميل ورځپاڼې د راپور له مخې، په ټکزاس کې یوې ودانۍ ته څېرمه یوه وسلهوال د جمعې په ورځ (د غبرګولي ۲۲مه) د خلکو پر لوري ډزې پیل کړې او له امله یې یو تن وژل شوی او ۱۰ نور ټپيان شوي او د پولیسو په وینا، بریدګر هم بیا په میډلنډ کې له پولیسو سره په نښته کې وژل شوی دی.
د میډلنډ د پولیسو مشر ګرېګ سنو په ټولنیزو پاڼو يو خبر کې وويل: «مامورینو له ودانۍ څخه د ډزو غږونه واورېدل او د سیمې د خوندي کولو او پاکولو لپاره یې په چټکۍ سره کار وکړ».
د راپور له مخې، د ډزو له راپورونو وروسته یو نږدې روغتون هم تړل شوی وو.
