د هرات د ښځو په اړه د امریکايي سناتور اندېښنه؛ ګري پیټرز د طالبانو چلند د نه‌منلو وړ وباله

د یکاولنګ لپاره د طالبانو ولسوال حکمت حسین مجاهد ویلي، چې تورن علي د «سري ترنوک» کلي اوسېدونکی او تر پېښې وروسته له سیمې تښتېدلی وو. ویل کېږي دغه پېښه د تېرې چهارشنبې په ورځ رامنځته شوې وه.

د بامیان ولایت لپاره د طالبانو د رسنیو دفتر د جمعې په ماخوستن (د غبرګولي ۲۲مه) د یوې خبرپاڼې په خپرولو سره ویلي، د طالبانو امنیتي او کشفي ځواکونو د فراري «مجرم» د نیولو لپاره پراخ عملیات پیل کړل او د هغه پټنځای یې د بابا غره کې وموند.

خبرپاڼه زیاتوي، د بامیان د امنیه قومندانۍ او استخباراتو ځواکونو غوښتل چې دغه مجرم ونیسي او قضايي ارګانونو ته یې وسپاري، خو تورن پر طالبانو ډزې وکړې او په ځوابیه ډزو کې یاد تښتونکی ووژل شو.

له دغې پېښې وروسته، د بامیان لپاره د طالبانو والي ګل‌حیدر شفق د دغه ولایت اوسېدونکو ته ډاډ ورکړ، چې په ټول ولایت کې بشپړ امنیت ټینګ دی، دا ډاډ داسې مهال کې دی چې په بېلابېلو ولایتونو کې جنایي پېښې او وسله‌والې تښتونې تر بل هر وخت ډېرې شوې دي.

تر دې وړاندې، ځايي سرچینو افغانستان انټرنشنل ته ویلي وو، چې د طالبانو د ځانګړو قطعاتو، درنو پوځي تجهیزاتو لېږدوونکو موټرو او ټانکونو په ګډون، د پنجشنبې له ماښام راهیسې د هرات ښار په ټولو مهمو او ستراتیژیکو سیمو کې ځای پر ځای شوي دي.

د هرات اوسېدونکو د طالبانو د والي د دفتر مخې ته لاریون کړی | افغانستان انټرنشنل پښتو

سره له دې چې په هرات کې سخت امنیتي تدابیر نیول شوي، د دې ولایت یو شمېر اوسېدونکو د جمعې په ورځ (د غبرګولي ۲۲مه) د طالبانو د والي د دفتر مخې ته راټول شول او د «مرګ پر دیکتاتور»، «ښځه، ژوند، ازادي» شعارونه یې ورکړل. معترضانو همدارنګه د ښځو د زده کړو او کار د حق غوښتنه هم وکړه.

طالبانو یو ځل بیا د هرات د اوسېدونکو سوله ییز اعتراضونه وځپل | افغانستان انټرنشنل پښتو

خو راپورونه ښيي، چې طالبانو یو ځل بیا د اعتراض کوونکو د خورولو لپاره پر خلکو ډزې کړې دي. تر اوسه د دې پېښې د احتمالي مرګ‌ژوبلې په اړه هېڅ ډول جزییات نه‌دي خپاره شوي.

د افغانستان د ازادۍ جبهې سیاسي مشر داوود ناجي له افغانستان انټرنشنل سره په خبرو کې ټینګار کړی، چې د طالبانو دغه کړنې نه‌ شرعي بنسټ لري او نه هم قانوني حیثیت.

داوود ناجي د جمعې په ورځ (د غبرګولي ۲۲مه) افغانستان انټرنشنل ته وویل، چې د ازادۍ جبهې ځواکونو په تېرو څو میاشتو کې په کابل، کندوز، بغلان او تخار ولایتونو کې د طالبانو محتسبان په نښه کړي دي او دا ډول عملیات به دوام ولري.

د ازادۍ جبهې سیاسي مشر وویل: «ازادۍ جبهه د جګړې د قوانینو او د بشري حقونو د اصولو رعایت ته ژمنه ده او زموږ جګړه ړنده نه‌ده. موږ د جګړې ټول اصول په پام کې نیسو، خو د طالبانو د امر بالمعروف اداره د هغو کړنو او زیانونو له امله چې خلکو ته یې رسوي، یو پوځي هدف بلل کېږي».

نوموړي د محتسبانو د تاوتریخجنو کړنو په اړه زیاته کړه: «دغه اداره د خلکو پر تښتولو لاس پورې کوي او د دوی چلند نه شرعي جواز لري او نه هم قانوني بنسټ».

هغه وویل: «په ډېرو مواردو کې چې ښځې او نجونې نیول کېږي، د هغوی کورنۍ تر ۴۸ ساعتونو پورې د دوی د برخلیک او د ساتنې د ځای په اړه هېڅ معلومات نه‌لري. طالبان په عملي ډول هغوی تښتوي او د خوشې کولو په بدل کې ترې نغدې پیسې غواړي».

داوود ناجي تر دې وړاندې هم په هرات او کابل کې د ټانکونو د ځای پر ځای کولو، د طالبانو د پوځي ځواکونو د پراخ حضور او د مهمو لارو د تړل کېدو په غبرګون کې ویلي وو، چې د اعتراضونو د مخنیوي لپاره د طالبانو له لوري د وسلو او ټانکونو کارول د دې ډلې د ځواک نښه نه، بلکې له خلکو څخه د هغوی د وېرې څرګندونه کوي.

د مقاومت جبهې د جمعې ورځې په ناوخته (د غبرګولي ۲۲مه) د یوې خبرپاڼې په خپرولو سره ویلي، چې په دغو عملیاتو کې د طالبانو د کندوز قول‌اردو اړوند د تېلو یو ټانکر هم په بشپړ ډول سوځول شوی دی. د سرچینو په وینا، دغه برید د چهارشنبې په شپه شاوخوا ۱۱ بجې د بغلان د پشه‌يي‌ها په سیمه کې ترسره شوی دی.

مقاومت جبهې ټینګار کړی، چې د دوی ځواکونو دغه برید په بشپړ دقت او پلان سره سرته رسولی دی. د مقاومت جبهې مسوولینو ویلي، چې د هېواد په بېلابېلو برخو کې د طالبانو پر وړاندې خپلو هدفي بریدونو ته دوام ورکوي.

د دغې جبهې په وینا، د دغو پوځي عملیاتو اصلي هدف د طالبانو له واکمنۍ څخه د افغانستان او د خلکو ازادول دي. تر اوسه طالبانو د مقاومت جبهې د دغې تازه ادعا په تړاو څه نه‌دي ویلي.

د افغان ښځو یاد ایتلاف د جمعې په ورځ، د غبرګولي په ۲۲مه، په اکېس کې لیکلي چې طالبانو له نیول شویو ښځو د خوشې کولو لپاره د هغوی له کورنیو تر ۵۰ زره افغانیو پورې پیسې اخیستي دي.

دغه خوځښت دا ډول کړنې د بشري حقونو له بنسټیزو اصولو او انساني کرامت سره په ښکاره ټکر کې بولي.

یاد خوځښت زیاتوي په داسې حال کې چې افغانستان له سخت اقتصادي کړکېچ او بېوزلۍ سره مخ دی، د طالبانو دا اقدامات به پر زیانمنو کورنیو لا ډېر دروند اقتصادي او رواني فشار راوړي او د خلکو ټولنیز او رواني امنیت به ته زیان ورسوي.

د ښځو اعتراضي خوځښتونو ایتلاف له ملګرو ملتونو، نړیوالو بشري حقونو بنسټونو او نړیوالې ټولنې غوښتي چې د دې وضعیت په اړه چوپ پاتې نه شي او د بشري حقونو د پراخو سرغړونو د مخنیوي لپاره عملي ګامونه واخلي.

همدارنګه دغه خوځښت له خلکو هم غوښتې چې د بې‌عدالتیو پر وړاندې چوپ پاتې نه شي او د عدالت، انساني کرامت او د ښځو د حقونو غږ پورته کړي.