د کابل- کندهار پر لویه لاره په یوې ټرافیکي پېښه کې ۲ کسان مړه او ۲۹ نور ټپيان شوي دي

د افغانستان د صنایعو او کانونو خونې د شنبې په ورځ (د غبرګولي ۲۳مه) د یوې خبرپاڼې په خپرولو سره ویلي، د دغې خونې سرپرست محمد رفیع عظیمي په کابل کې د ایران سفارت سرپرست او مل پلاوي ته د صنعت او کانونو اونۍ په پنځم ملي او نړیوال نندارتون کې د ګډون بلنه ورکړه. د ایران سفیر علي رضا بېکدلي په ځواب کې وویل، چې د بېلابېلو برخو شاوخوا شلو ایراني شرکتونو په دغه نندارتون کې د ګډون لپاره لېوالتیا ښودلې ده.

علي رضا بېکدلي په دې لیدنه کې د افغانستان له خلکو او طالبانو سره د دوستانه اړیکو پر دوام ټینګار وکړ او ویې ویل، چې د ایران خصوصي سکټور په ځانګړي ډول د عصري ټکنالوژۍ په برخه کې د پام وړ پرمختګ کړی دی. هغه زیاته کړه، چې هېواد یې چمتو دی څو خپلې تجربې، تخصص او ټکنالوژي د افغانستان له خصوصي سکټور او پانګوالو سره شریک کړي او د دواړو لورو پانګوال کولای شي د یو بل له ظرفیتونو ګټه پورته کړي.

له دې سره هم‌مهاله نیوکې دي، چې طالبانو په پراخه کچه پرته له مسلکي او تخنیکي څېړنو د هېواد په بېلابېلو ولایتونو کې چینایي، روسي او ایراني شرکتونو ته کانونه په قراردادونو ورکړي دي. خلک نیوکې لري، چې له دغو قراردادونو څخه ډېره ګټه د لوړ پوړو طالبانو جیبونو ته ځي.

فرهاد دریا په دغه لاریون کې زیاته کړه، چې غواړي په دې توګه افغان ښځو ته دا پیغام ورسوي چې هغوی په خپله مبارزه او رنځ کې یوازې نه‌دي او نړیوال یې تر څنګ ولاړ دي.

دغه افغان سندرغاړي د خپلو خبرو په دوام کې هیله وښوده، چې په نړۍ کې هېڅ ښځه د خپل جنسیت له امله باید له خپلو اساسي حقونو او ازادۍ څخه بې‌برخې پاتې نه‌شي. هغه ټینګار وکړ، چې د ښځو د ازادۍ او حقونو تامین د ټولنې د پرمختګ لپاره یو اړین ګام دی.

نوموړي وویل: «لکه څنګه چې نن جرمني کې ښځې د ژوند حقونه لري، نو افغان ښځې هم باید له خپلو حقونو برخمنې شي».

فرهاد دریا زیاته کړه: «موږ پنځه وروڼه یو، موږ سکه خور نه‌لرو، خو سلګونه افغان ښځې زما خویندې دي او زه ورته د ازاد ژوندانه هیله لرم».

په دغه اعتراضي غونډه کې ګڼو افغانانو او د ښځو د حقونو فعالانو ګډون کړی وو، چې په افغانستان کې یې د ښځو پر وړاندې د لګول شویو محدودیتونو د لرې کېدو غوښتنه یې کوله. ګډونوالو د افغان ښځو د حقونو د خوندیتوب او د هغوی د غږ پورته کولو لپاره د داسې غونډو دوام مهم وباله.

د دې تر څنګ په فرانسې او د اروپا په یو شمېر نورو هېوادونو کې هم د افغان ښځو په ملاتړ غونډې شوي او په‌کې په هرات کې د طالبانو له لوري له ښځو سره روان تاوتریخوالی غندل شوی دی.

ضیاالحق امرخېل د شنبې ورځې په ناوخته (د غبرګولي ۲۳مه) په خپله فېسبوک‌پانه ویلي، چې په خواله رسنیو کې د نجونو او ښځو په اړه د ځینو کسانو له‌خوا کارول کېدونکي الفاظ د یوه متمدن انسان لپاره د «شرم» وړ دي.

د جمهوریت په دوره کې د ننګرهار دغه پخواني والي ویلي، چې د ښځو او نجونو پر وړاندې دا ډول «وحشیانه او ظالمانه ذهنیت» خورا دردونکی دی. هغه زیاته کړې، چې په ټولنیزو رسنیو کې د هېواد د پاک‌لمنو نجونو او ښځو لپاره داسې کلمې کارول کېږي چې لوستل یې هر بااحساسه انسان شرموي او دا ښيي، چې اخلاقي زوال په ټولنه کې څومره ژور ځای نیولی دی.

ضیاالحق امرخېل د اسلامي هېوادونو په کچه د افغان ښځو د وقار او عفت ستاینه کړې او په وینا یې، ډېرو اسلامي هېوادونو ته یې سفرونه کړي، خو په پوره ډاډ سره ویلی شي، چې کومه حیا او مسلماني چې د افغانستان په خویندو او میندو کې شته، په ټوله نړۍ کې بې‌نظیره ده او باید درناوی یې وشي.

نوموړي همداراز ټینګار کړی، چې د نجونو او ښځو سپکاوی په هېڅ ډول د توجیه وړ نه‌دی او د هغوی د بې‌عزتۍ لپاره هېڅ دلیل نه‌شته. د هغه په وینا، د خپلو خویندو او میندو د عزت او وقار ساتنه د ټولنې د هر وګړي انساني، اسلامي او اخلاقي مسوولیت دی چې باید په پوره توګه ادا شي.

دا په داسې حال کې ده، چې طالبانو په هرات کې یو شمېر ښځې پر بې‌حجابۍ تورنې کړي او یو شمېر یې نیولي هم دي او همدا راز یې د ښځو او نارینه‌وو اعتراضونه یې هم سخت ځپلي دي.

ویسا وویل: «زموږ هدف په هغو ځایونو کې د ښوونځیو جوړول وو چېرته چې ښوونځي نه‌وو. موږ خلک وهڅول چې سولې او یووالي ته کار وکړي». نوموړي. په جرمني او نورو هېوادونو کې له افغانانو وغوښتل، چې پر خپلو لوڼو زده‌کړې وکړي، څو په راتلونکي کې د افغانستان په بېلابېلو سکټورونو کې خدمتونه وکړي.

مطیع‌الله ویسا د نجونو د زده‌کړو د ملاتړ له امله د فرانسې د يوې مهمې جايزې ګټونکی شو | افغانستان انټرنشنل پښتو

مطیع‌الله ویسا په افغانستان کې نجونې هڅولې، څو زده کړې وکړي، چې د طالبانو په واکمنۍ کې له همدې امله څو میاشتې زنداني هم وو. هغه تېره اونۍ په فرانسه کې هم د زده‌کړو د ملاتړ او په دې برخه کې د کړو خدمتونو له امله یوه نړیواله جایزه وګټله.

ویسا: د ازادۍ جایزه زموږ پر اوږو د بې‌برخې ماشومانو پر وړاندې مسولیت نور هم زیاتوي | افغانستان انټرنشنل پښتو

د زده‌کړو دغه افغان فعال تر دې مخکې هم په یو شمېر هېوادونو کې جایزې اخیستې دي.

له زندان څخه تر نړۍوالې جایزې؛ مطیع‌الله ویسا د قطر له امیر څخه نړۍواله جایزه ترلاسه کړه | افغانستان انټرنشنل پښتو

مطیع الله ویسا د قلم لار په نوم یو بنسټ لري، چې د فعالیت ډېر تمرکز یې په کندهار او شاوخوا ولایتونو کې د هلکانو او نجونو پر زده کړو دی.

دا په داسې حال کې ده، چې د طالبانو تر کنټرول لاندې افغانستان کې نجونې له نږدې پنځو کلونو راهیسې له شپږم ټولګي پورته د هېڅ ډول زده‌کړو د دوام اجازه نه‌لري او په دې برخو کې پر طالبانو د نړۍوالو فشارونو هم تر اوسه څه ګټه نه‌ده کړې.

د هلمند ولایت لپاره د طالبانو د اطلاعاتو او کلتور ریاست د شنبې په ماښام (د غبرګولي ۲۳مه) د یوې خبرپاڼې په خپرولو سره ویلي، لومړۍ پېښه نن سهار د سنګین ولسوالۍ مجید چوک سیمه کې د ناچاوده مرمۍ د چاودنې له امله رامنځته شوې او په ترڅ کې یې ۴ ماشومان ټپيان شوي دي.

په دویمه ورته پېښه کې چې د همدې ولسوالۍ په اوبو ژرندې سیمه کې رامنځته شوې یو ماشوم وژل شوی او ۲ نور ټپیان شوي دي.

په خبرپاڼه کې ویل شوي، چې ټپيان روغتون ته لېږدول شوي او همداراز روغتیايي وضعیت یې هم د ډاډ وړ ښودل شوی دی.