ټرمپ: امریکایي ځواکونو په وینزویلا کې د یوې جنایتکارې ډلې مشر وژلی

ټرمپ پر خپل ټولنیزه پاڼه لیکلي چې د ټرېن ډي اراګوا جرمي ډلې مشر روستنفورډ ګېرېرو فلورېس په وینزویلا کې د ځانګړو عملیاتو پر مهال وژل شوی دی.

ټرمپ وايي:«زما په لارښوونه، د امریکا سویلي قوماندانۍ یو چټک او مرګونی برید ترسره کړ او په بریاللیتوب سه یې نینو ګېرېرو، د ټرېن ډي اراګوا بدنام مشر له منځه یووړ. دا ډله د نړۍ تر ټولو خونړیو ترهګرو سازمانونو څخه ده».

په ورته مهال د وینزویلا د اطلاعاتو وزارت ویلي چې د عملیاتو پر مهال له جنايي ډلو سره نښتې شوې او د دغې ډلې مشر ګېرېرو پکې له منځه وړل شوی دی. د یاد وزارت د معلوماتو له‌مخې، په عملیاتو کې د ځانګړي ټکنالوژۍ څخه استفاده شوې او دا چاره د دواړو هېوادونو د چارواکو ترمنځ د همکارۍ او استخباراتي معلوماتو د شریکولو له لارې تسره شوې ده.

د امریکا د بهرنیو چارو وزارت د ټرېن ډي اراګوا ډله د یوه بهرني ترهګر سازمان په توګه اعلان کړې وه.ر