ټرمپ پر لبنان د اسراییل برید غندلی او وایي له ایران سره هوکړې ته نږدې یو
د امریکا ولسمشر ډونالډ ټرمپ له ایران سره د سولې هوکړې ته د رسېدو په درشل کې د اسراییل لهخوا پر لبنان وروستی برید غندلی او وايي، په داسې حساس وخت کې باید دا برید نه وای شوی.
د امریکا ولسمشر ډونالډ ټرمپ له ایران سره د سولې هوکړې ته د رسېدو په درشل کې د اسراییل لهخوا پر لبنان وروستی برید غندلی او وايي، په داسې حساس وخت کې باید دا برید نه وای شوی.
ټرمپ د یکشنبې په ورځ، د غبرګولي پر ۲۴مه په خپله ټولنیزه پاڼه پر لبنان د اسراییل د برید په غبرګون کې لیکلي:«پر بیروت د نن سهار برید باید نه وای شوی، په ځانګړي توګه په داسې یوه ځانګړې ورځ چې موږ له ایران سره د سولې یوې هوکړې ته ډېر نږدې یو. ټولې غاړې باید شاتګ وکړي.»
ټرمپ ویلي، چې له ایران سره یوې داسې هوکړې ته نږدې شوی چې په سیمه او لبنان کې به ثبات ټینګ شي.
پر لبنان د اسراییل برید ته ایران هم سخت غبرګون ښودلی دی.
د ایران جګپوړي مرکچي محمد باقر قالیباف ویلي چې د بیروت پر سویلي سیمو د اسراییل د یکشنبې برید ښيي چې امریکا نه غواړي یا نه شي کولای خپلې ژمنې عملي کړي.
پر همدغه مهال د ایران د ګډو ځواکونو د قوماندې مرستیال ویلي چې پر بیروت به د اسراییل بریدونه بې ځوابه پاتې نه شي.
د راپورنو لهمخې، پر لبنان د اسرایل له وروستي بریدونو وروسته د ایران لوپوړي مرکچیان د سولې هڅو ته د امریکا پر ژمنتیا شکمن شوي.
