اسراییلي پوځ ویلي د لبنان د وسله والو یو جګپوړی قوماندان یې وژلی
د اسراییل پوځ ویلي چې د لبنان د وسله والو یو جګپوړی قوماندان علي موسى دقدوق د سویلي لبنان په یوه هوایي برید کې د جمعې په ورځ وژل شوی دی.
اسراییلي پوځ ویلي چې دقدوق د حزب الله ډلې دننه څو مهمې دندې لرلې، چې پکې د مشر حسن نصرالله د امنیتي واحد مشري، د رضوان ځواک د یوې قطعې قومانده، د عملیاتو د یوې برخې مشري، د پلي ځواکونو مشري او په سویلی سوریه کې د ډلې د ځای پر ځای کېدو د هڅو تنظیم شامل دي.
د راپور له مخې، هغه په ۲۰۰۷م کال کې په عراق کې امریکایي ځواکونو نیولی و او د پنځو امریکایي سرتېرو د تښتونې او وژنې په قضیه کې تورن و، خو وروسته عراق خوشې کړ.
