ټرمپ پوتین ته: له ایران سره توافق ته نږدې او د اوکراین جګړې په حل کې مرستې ته چمتو یو
د امریکا ولسمشر ډونالډ ټرمپ له خپل روسي سیال پوتین سره په ټیلیفوني خبرو کې د اوکراین جګړې پای ته رسولو او له ایران سره تړون ته د نږدې کېدو یادونه کړې ده.
د امریکا ولسمشر ډونالډ ټرمپ له خپل روسي سیال پوتین سره په ټیلیفوني خبرو کې د اوکراین جګړې پای ته رسولو او له ایران سره تړون ته د نږدې کېدو یادونه کړې ده.
د کریملین د سلاکار یوري اوشاکوف په وینا، ټرمپ د روسیې له ولسمشر ولادیمیر پوتین سره په ټیلیفوني خبرو کې ویلي چې د اوکراین جګړې پای ته رسول «حیاتي او مهم» دي او هغه چمتو دی په دې برخه کې مرسته وکړي.
اوشاکوف د روسي خبري اژانسونو له قوله ویلي، ټرمپ پوتین ته دا هم ویلي چې له ایران سره د جګړې د پای ته رسولو په اړه یو توافق نږدې بشپړېدو ته رسېدلی او د کرېملین مشر له دې پرمختګ څخه خوښي څرګنده کړې ده.
په راپور کې دا هم ویل شوي چې پوتین ټرمپ ته د هغه د ۸۰مې کلیزې مبارکي په غیر رسمي ډول ورکړې ده.
