د پاکستان لومړی وزیر: د امریکا او ایران ترمنځ د سولې هوکړه شوې ده

د کریملین د سلاکار یوري اوشاکوف په وینا، ټرمپ د روسیې له ولسمشر ولادیمیر پوتین سره په ټیلیفوني خبرو کې ویلي چې د اوکراین جګړې پای ته رسول «حیاتي او مهم» دي او هغه چمتو دی په دې برخه کې مرسته وکړي.

اوشاکوف د روسي خبري اژانسونو له قوله ویلي، ټرمپ پوتین ته دا هم ویلي چې له ایران سره د جګړې د پای ته رسولو په اړه یو توافق نږدې بشپړېدو ته رسېدلی او د کرېملین مشر له دې پرمختګ څخه خوښي څرګنده کړې ده.

په راپور کې دا هم ویل شوي چې پوتین ټرمپ ته د هغه د ۸۰مې کلیزې مبارکي په غیر رسمي ډول ورکړې ده.

هغه د ایران اسلامي جمهوریت د یو شمېر رسنیو له مسوولینو سره په غونډه کې ټینګار وکړ، چې د ایران د سیاستونو بنسټ باید د ملي یووالي پیاوړتیا، د اقتصادي ستونزو کمول او د ټولنیز ثبات ساتل وي.

پزشکیان وویل، د ایران حکومت د ملي امنیت عالي شورا د پرېکړو او د رهبر د لارښوونو په چوکاټ کې د مذاکراتو د دوام پلوی دی او ټولې ستراتیژیکې پرېکړې باید د همدې رسمي بنسټونو له لارې وشي.

هغه خبرداری ورکړ، چې د داخلي اختلافاتو رامنځته کول او د ټولنې وېش د هېواد لپاره تر ټولو لوی خطر دی او باید له دې چارې ډډه وشي.

د ایران ولسمشر زیاته کړې، چې حکومت یې هم مهاله د اقتصاد د ښه والي، د خلکو د معیشت د پیاوړتیا، د فساد پر ضد مبارزې او له ګاونډیو هېوادونو سره د اړیکو د پراخولو هڅې کوي.

هغه دا هم وویل، چې د هېواد د ثبات او د ملي ګټو د ساتلو لپاره باید د مذاکراتو او نورو سیاسي پروسو تر څنګ د داخلي ظرفیتونو پیاوړتیا ته هم ځانګړې پاملرنه وشي.

ټرمپ د یکشنبې په ورځ، د غبرګولي پر ۲۴مه په خپله ټولنیزه پاڼه پر لبنان د اسراییل د برید په غبرګون کې لیکلي:«پر بیروت د نن سهار برید باید نه وای شوی، په ځانګړي توګه په داسې یوه ځانګړې ورځ چې موږ له ایران سره د سولې یوې هوکړې ته ډېر نږدې یو. ټولې غاړې باید شاتګ وکړي.»

ټرمپ ویلي، چې له ایران سره یوې داسې هوکړې ته نږدې شوی چې په سیمه او لبنان کې به ثبات ټینګ شي.

پر لبنان د اسراییل برید ته ایران هم سخت غبرګون ښودلی دی.

د ایران جګپوړي مرکچي محمد باقر قالیباف ویلي چې د بیروت پر سویلي سیمو د اسراییل د یکشنبې برید ښيي چې امریکا نه غواړي یا نه شي کولای خپلې ژمنې عملي کړي.

پر همدغه مهال د ایران د ګډو ځواکونو د قوماندې مرستیال ویلي چې پر بیروت به د اسراییل بریدونه بې ځوابه پاتې نه شي.

د راپورنو له‌مخې، پر لبنان د اسرایل له وروستي بریدونو وروسته د ایران لوپوړي مرکچیان د سولې هڅو ته د امریکا پر ژمنتیا شکمن شوي.

هغه په خپله اېکس پاڼه لیکلي: «که تاسې د خپلو ژمنو د عملي کولو هوډ او توان ونه لرئ، د خبرو د دوام یادونه ممکنه نه ده.»

د رویټرز د راپور له مخې، د ایران لوړپوړي مرکچیان پر لبنان د اسراییل له تازه بریدونو وروسته د سولې هڅو ته د امریکا پر ژمنتیا شکمن شوي.

د ایران د ګډو ځواکونو د قوماندې مرستیال محمد جعفر اسدي ویلي چې د بیروت په جنوبي سیمو کې د اسراییل بریدونه به بې ځوابه پاتې نه شي.

د اسراییل د پوځ له قوله ویل شوي چې حزب الله درې توغندي د دغه هېواد پر شمالي سیمو توغولي، چې د لبنان له اوربنده سرغړونه بلل شوې ده.

د راپور له مخې، یو ډیپلومات فاکس نیوز ته ویلي چې دا بریدونه د امریکا او ایران د هوکړې د نهايي کولو هڅې پېچلې کوي او دا د دغو هڅو د سبوتاژ هڅه ده.

بل خوا اسراییل ویلي چې په لبنان کې به د عملیاتو ازادي ساتي، په داسې حال کې چې تهران بشپړ اوربند خپل مهم شرط ګڼي.

د ایران د بهرنیو چارو ویاند ویلي چې دا هوکړه به د یکشنبې په ورځ نه وي، خو ښايي په راتلونکو ورځو کې وشي.

د ایران فارس خبري اژانس د یوې باخبره سرچینې له قوله ویلي چې تر اوسه وروستۍ پرېکړه نه ده شوې او د سیاسي، حقوقي او تخنیکي اړخونو ارزونه روانه ده.

د پاکستان د پنجاب ایالت په ډېره غازي خان ولسوالۍ کې چارواکي وایي چې له چاودېدونکو ډک ډک یو موټر د پولیسو له یوې امنیتي پوستې سره ټکر کړی چې په پایله کې یې یو پولیس وژل شوی او څلور نور ټپیان شوي دي.

د پولیسو په وینا، دا پېښه د یکشنبې په ورځ په تونسه شریف سیمه کې هغه مهال رامنځته شوه چې موټر د «جنگوی» په نوم د پولیسو له پوستې سره ولګېد.

د پولیسو د سرچینو په وینا، تر اوسه په دې پېښه کې د یوه پولیس د وژل کېدو او د دریو نورو د ټپي کېدو پخلی شوی دی.

په دې چاودنه کې د پولیسو پوسته ویجاړه شوې ده. پولیس وایي چې دا یو ځانمرګی برید و چې موخه یې د پوستې اصلي دروازه وه.

په ورته وخت کې تحریک طالبان پاکستان د برید مسوولیت پرغاړه اخیستی دی.