د پاکستان د پنجاب ایالت په دیره غازي خان کې د پولیسو پر پوسته موټربم برید شوی

د ماه‌رنګ بلوچ او د هغې د ملګرو مدافع وکیلانو له رسنیو سره په خبرو کې ویلي، چې له تېرو شاوخوا لسو میاشتو راهیسې د هغوی وکالت کوي او د ماه‌رنګ بلوچ او ملګرو پر ضد یې په ټول بلوچستان کې ۵۱ قضیې ثبت شوې دي.

دوی وویل، که څه هم دا عادي قضیې دي، خو څېړنې یې د ترهګرۍ ضد محکمو کې ترسره کېږي. د دوی په وینا، د شنبې په ورځ (د غبرګولي ۲۳مه) چې د قضیو د اورېدنې لپاره زندان ته ورغلل، نو هلته د تورنو بندیانو د قضیو اورېدنه د هغوی له حضور پرته تنظیم شوې وه.

وکیلانو زیاته کړه، چې دا چاره له قانون څخه ښکاره سرغړونه ده. د دوی په وینا، په پیل کې د دوی قضیې نه اورېدل کېدې، وروسته یې په زندان کې دننه د اورېدنو لړۍ پیل شوه، خو اوس هغه بهیر هم درول شوی دی؛ نه تورن کسان خپل وکیلان ویني، نه وکیلان قاضي ویني او ان تر دې چې هېڅوک له یو بل سره مخامخ اړیکه نه‌لري.

هغوی همداراز وویل، چې تورنو کسانو د یادې محکمې پر بهیر نیوکې کړي او د قاضي د بدلولو لپاره یې عریضې هم وړاندې کړي، خو د هغو عریضو ته هېڅ پام نه‌دی شوی.

د بلوڅ یووالي کمېټې استازو غوښتنه کړې، چې د ماه‌رنګ بلوچ او نورو پر ضد د ثبت شویو قضیو اورېدنې دې په رڼه، عادلانه او بې‌طرفه توګه ترسره شي.

شهباز شریف دا تابیاوې د ملي امنیت د تامین لپاره د یوې پراخې ستراتیژۍ برخه وبلله او ویې ویل، چې د ګواښونو د مخنیوي لپاره د «ډیورنډ کرښې» پیاوړتیا اړینه ده. هغه څرګنده کړه، چې په دې اړه بېلابېل لیدلوري د درناوي وړ دي، خو حکومت مسوولیت لري چې امنیت تضمین کړي.

د پاکستان د لومړي وزیر دغه څرګندونې د اپوزیسیون د مشر محمود خان اڅکزي د څرګندونو په ځواب دي.

محمود خان اڅکزي د ملي اسمبلۍ په غونډه کې وویل، چې د ډیورند کرښه د پولې دواړو غاړو ته د مېشتو پښتنو ترمنځ واټن رامنځته کوي او ټولنیزې او بشري پایلې لري.

د پاکستان لومړي وزیر له افغانستان سره پر شاوخوا ۲ زره کیلومتره اوږده کرښه د کټارو، کمرو او نورو څارونکو زیربناوو لپاره میلیارډي لګښتونو ته په اشارې سره وویل، دا اقدامات د غیرقانوني تګ راتګ د کمولو او د امنیتي ګواښونو د مخنیوي لپاره پلان شوي دي.

شهباز شریف زیاته کړه، که دا اقدامات، ان که د یوه وګړي په ځانګړې توګه د یوه ماشوم ژوند وژغوري، نو دا لګښتونه به د توجیه وړ وي.

د یادونې وړ ده، چې د ډیورند د کرښې دواړو غاړو اوسېدونکي رسمي پوله نه‌ګڼي او په ځانګړې توګه د افغانستان هېڅ حکومت ډیورند کرښه له پاکستان سره د رسمي پولې په توګه نه‌ده منلې او یوازې یې «کرښه» بللې ده.

د عوامي نشنل ګوند مشر اېمل ولي خان پر ايالتي او مرکزي حکومتونو په نیوکو سره ویلي: «ټول د واک او پښتونخوا د تباهۍ لپاره سره یو دي. هغه ولایتي سرچینې، مالي خپلواکي او حقونه چې د اتلسم اساسي قانون د تعدیل له لارې پیاوړي شوي وو، نن یو- یو مرکز ته سپارل کېږي».

هغه له خيبرپښتونخوا څخه مرکزي بودجې ته د برخې په پرې کولو هم نيوکه وکړه او ویې ويل: «۱۰۹ میلیارده کلدارې د داسې یوه ايالت له بودجې څخه کمې او مرکز ته ورکړل شوي چې لا دمخه د ترهګرۍ، ناامنيو او اقتصادي ستونزو ښکار ده. ویل کېږي چې دا پیسې به پر دفاعي لګښتونو مصرف شي. دا خو ټول پوهېږي چې د دې پرېکړې اصلي واک له چا سره دی؟ ولس اوس پر دې پوهېدلی چې پرېکړې چېرته کېږي او نومول شوي کرکټرونه د چا استازي دي».

نوموړي په خيبرپښتونخوا کې د پاکستان تحريک انصاف ګوند ايالتي حکومت ته په اشارې سره وويل: «هغه کسان چې ځانونه یې د مرکزي حکومت د مخالفت تر ټولو د لوړ بیرغوالو په توګه معرفي کول، نن د هغوی اعلی وزیر د ايالت سرچینې د مرکز غېږې ته واچولې».

اېمل ولي خان دا څرګندونې په داسې مهال کړي، چې د جمعې په ورځ د پاکستان د ۲۰۲۶-۲۰۲۷ کال لپاره کلنۍ بودجه وړاندې کړه او د دفاعي بودجې په برخه کې یې د تېر کال پرتله د ۱۷،۶ سلنې زیاتوالي وړاندیز کړی دی.

د خزانې وزیر محمد اورنګزیب په ملي اسمبلۍ کې د بودجې وړاندې کولو پر مهال وویل، چې سږ کال د دفاعي بودجې لپاره ۳۰۰۰ میلیارده روپۍ ځانګړې شوې دي. په تېر مالي کال (۲۰۲۵-۲۰۲۶) کې د دفاعي بودجې په برخه کې د ۲۰،۲ سلنه زیاتوالي په راوستلو سره ۲۵۵۰ میلیارده روپۍ دغې برخې ته ځانګړې شوې وې، خو له بیا کتنې وروسته بیا دا اندازه ۲۵۹۵ میلیارده روپیو ته لوړه شوه.

د راپورونو له مخې، د پاکستان دفاعي بودجې ته له ايالتونو څخه برخه ورکړل شوې ده.

د پاکستان په کراچۍ ښار کې د ترهګرۍ پر ضد د پوليسو څانګې (سي‌ټي‌ډي) د شنبې په ورځ (د غبرګولي ۲۳مه) د یوې خبرپاڼې په خپرولو سره ادعا کړې، چې نیول شوی مشکوک کس د طلال عرف زید بلوڅ ورور دی او د دوی په وینا، طلال عرف زید بلوڅ د ټي‌ټي‌پي یو فعال غړی دی او دا مهال په افغانستان کې مېشت دی.

طالبانو په وار وار د پاکستان دغه ډول څرګندونې رد کړي او ویلي یې دي، چې ټي‌ټي‌پي د پاکستان کورنۍ مسئله ده.

د کراچۍ ښار د ترهګرۍ پر ضد د پوليسو څانګې همداراز ادعا کړې، چې دغه کس د عصري ډرون ټکنالوژۍ او د چاودېدونکو توکو د پېرلو او رسولو په برخه کې چې په ترهګریزو فعالیتونو کې ترې کار اخیستل کېږي، مرکزي رول درلود.

په خبرپاڼه کې راغلي، چې نیول شوي کس د خپل ورور په لارښوونه د ډرون موتورونه، پروپیلرونه، بیټرۍ، کنټرولر بورډونه او نور برېښنايي توکي پېرل چې په وینا یې، د لاسي بمونو په جوړولو کې ترې کار اخيستل کېدای شي.

د ترهګرۍ پر ضد پوليسو څرګنده کړې، چې له دغه نیول شوي کس څخه یې د موبايلونو او ډرون ترڅنګ یوه اندازه چاودېدونکي مواد هم ترلاسه کړي دي.

دا په داسې حال کې ده، چې په دې وروستیو کې په ځانګړې توګه په خیبر پښتونخوا کې د ډرون په وسیله بریدونه ډېر شوي او تر ډېره په‌کې ولسي وګړو ته مرګ ژوبله اوښتې ده.

دغه امریکایي چارواکي د شنبې په ورځ رویټرز ته ویلي، د دې هوکړې له نهایي کېدو او لاسلیک وروسته به امریکا د هرمز تنګي د ماین‌پاکۍ په عملیاتو کې برخه واخلي. یاد چارواکي د هوکړې د موادو یا د هغې د نهایي کېدو د دقیق وخت په اړه نور جزییات نه دي ورکړي.

بلخوا د ایران د بهرنیو چارو وزارت ویاند اسماعیل بقايي د واشنگټن سره د تفاهم‌لیک د نهایي کولو لپاره جنیوا یا اسلام‌اباد ته د ایران د مذاکراتي پلاوي د احتمالي سفر د پوښتنې په ځواب کې وویل: «د لاسلیک د دقیق وخت په اړه باید په تمه پاتې شو.» همدارنګه بقايي ټینګار وکړ چې په راتلونکو یوې یا دوو ورځو کې جنیوا یا کوم بل ځای ته د سفر کولو هیڅ برنامه شتون نه لري.

تر دې وړاندې، د پاکستان لومړي وزیر شهباز شریف هم پر اېکس پاڼه لیکلي وو، تهران او واشنگټن له بل هر وخت څخه د سولې یوې هوکړې ته نږدې شوي او ښايي چې دا هوکړه په راتلونکو ۲۴ ساعتونو کې نهایي شي. هغه دغه راز اعلان وکړ چې پاکستان د امریکا او ایران ترمنځ د دغه تفاهم‌لیک له نهایي کېدو سمدستي وروسته، د هغې د برېښنايي لاسلیک لپاره چمتووالی لري.