ډنمارک د افغانستان لپاره د ملګرو ملتونو د سرمنشي د ځانګړي استازي پر ټاکلو ټینګار کړی

د روسیې استازې وویل، مسکو د چین د هڅو هرکلی کوي چې په امنیت شورا کې د افغانستان د دوسیې مسوولیت لري او د یوناما د ماموریت تمدید ته یې مثبته رایه ورکړې ده.

هغې وویل، د یوناما اوسني فعالیتونه نه دي بدل شوي .

د روسیې استازې زیاته کړه، د یوې موافقې د ترلاسه کولو لپاره دغه هېواد د امریکایي پلاوي له وړاندیزونو سره موافقه کړې ده. د هغې په وینا، په دغو وړاندیزونو کې د ملګرو ملتونو له سرمنشي غوښتل شوي چې د یوناما پر فعالیتونو بیاکتنه وکړي.

هغې ټینګار وکړ چې دا ارزونه باید بې‌طرفه وي، په ځانګړې توګه د ظرفیت جوړونې، ټولنیزو مرستو، بشري مرستو او پراختیا په برخو کې.

د روسیې استازې وویل، مسکو نه غواړي چې له دې موضوع څخه د یوې مغرضانه وسیلې په توګه کار واخیستل شي، ځکه دا کار د یوناما ماموریت له خطر سره مخامخ کوي.

هغې زیاته کړه، د تاسف ځای دی هغه هېواد چې له طالبانو سره یې هوکړه وکړه او د تېر حکومت ملاتړ یې پرېښود، اوس داسې دریځ غوره کوي.

د روسیې استازې وویل، له طالبانو سره د یوناما تعامل باید په ټولو مسالو کې په ځانګړې توګه د زیانمنو شویو کسانو لپاره د مرستو د همغږۍ په برخه کې دوام ولري .

هغې وویل، روسیه باور لري چې له واقع‌بینانه چلند پرته د افغانستان د مسلې حل ممکن نه دی.

د روسیې د استازې په وینا، له طالبانو سره صبورانه خبرو ته اړتیا ده او د دې لپاره هیڅ بدیل نشته.

د چین استازي وویل چې یوناما باید له طالبانو او اړوندو خواوو سره خپلو اړیکو ته دوام ورکړي او د بشري حقونو، زده کړو، کار، عدالت او د افغانانو ملاتړ وکړي.

هغه له طالبانو وغوښتل چې د افغانستان د خلکو روا غوښتنې، په ځانګړي ډول د ښځو د حقونو په برخه کې واوري او له ځانه یو پرانیستی او ټولګډونه انځور وړاندې کړي.

د چین استازي وویل چې یوناما باید د افغانستان او نړۍ ترمنځ د اړیکو د اسانتیا لپاره یو پُل وي څو افغانستان د ټولګډونه حکومتولۍ په لور لاړ شي.

هغه همدارنګه د دوحې له بهیر څخه ملاتړ وکړ او ویې ویل چې دا پرېکړه لیک پر ترهګرۍ ضد مبارزې هم ټینګار کوي.

د چین د استازي په وینا، دا پرېکړه لیک د یوناما ملاتړ کوي او د دې بنسټ د ماموریت د بیاکتنې او څارنې غوښتونکی دی. هغه وویل چې د راتلونکي کال په مارچ کې به د یوناما د ماموریت په اړه یو راپور چمتو شي.

د طالبانو د ارشاد، حج او اوقافو وزارت نن دوشنبه، د غبرګولي پر ۲۵مه ویلي، چې په دې غونډه کې د طالبانو وزیر د افغانستان د نفوس د زیاتوالي موضوع یاده کړه او ویې ویل چې د نړیوالو ادارو د وروستیو راپورونو له مخې د افغانستان نفوس ۴۳.۸ میلیونو ته رسېدلی دی.

هغه زیاته کړه چې په هېواد کې هر کال تر ۱۰۰ زرو ډېر کسان د حج د فریضې د ادا کولو لپاره نوم‌لیکنه کوي، ځکه نو سعودي عربستان باید د افغان حاجیانو ونډه زیاته کړي.

یاد وزارت ویلي، چې د سعودي وزیر الربیعة په دې لیدنه کې ډاډ ورکړی چې هېواد یې د افغان حاجیانو خدمت ته ژمن دی او د دواړو هېوادونو ترمنځ به د اداري او تخنیکي تجربو د شریکولو او د ګډو روزنیزو پروګرامونو په برخه کې همکاري لا پیاوړې شي.

د یاد وزارت د معلوماتو له مخې، په دې لیدنه کې د افغانستان–ایران سوداګرۍ ګډې خونې رییس د طالبانو د سوداګرۍ او پانګونې خونې، د صنعت او کانونو او د کرنې او مالدارۍ وزارتونو له مسوولانو سره هم خبرې کړې دي.

د طالبانو د صنعت او سوداګرۍ وزارت زیاتوي چې دې لیدنه کې دواړو لوریو د دواړو هېوادونو ترمنځ د سوداګرۍ کچې پر ډېرولو ټینګار کړی دی.

طالب چارواکو دغه راز په افغانستان کې د نندارتونونو د جوړولو، په ځانګړې توګه د ایران د صنعتي او زراعتي نندارتونونو او د سوداګرۍ د پراختیا په موخه د عملي هوکړه‌لیکونو د لاسلیکولو په تړاو هم له ایراني پلاوي سره خبرې کړې دي.

د ایران او افغانستان سوداګري د څلور میلیارده ډالرو په ارزښت اټکل کیږي، چې ستره برخه پکې واردات دي او یوازې شاوخوا ۳۰ میلیونه برخه د افغانستان صادرات جوړوي.

د ایران د خراسان رضوي والي د یکشنبې په ورځ د دوغارون بندر د ازادې سیمې د عملي چارو په تړاو غونډه کې وویل، چې تهران غواړي ددې سوداګرۍ کچه په څو راتلونکو کلونو کې ۱۰ میلیارده ډالرو ته ورسوي.

د راډیو د ادارې د پېغام له مخې په ، دغه نوې رسنۍ به د حقیقت، پوهاوي، فرهنګ، دیني ارزښتونو، ټولنیزو موضوعاتو او سالمو تفریحي خپرونو له لارې د خپلو اورېدونکو د غږ، فکر او احساساتو استازیتوب وکړي.

د ساه راډیو مسوولینو په خپل پیغام کې ویلي چې د مسلکي ژورنالېزم اصولو ته په ژمنتیا سره به د خپلو اورېدونکو لپاره ګټور، باوري او ارزښتناک مطالب وړاندې کړي.

په ورته وخت کې د خوست یو شمېر اوسېدونکو ویلي، چې په دغه ولایت کې د راډيو له لارې د انلاین زده کړو بهیر ګړندی شوی او راډیوګانې ځانګړي نصابونه ترتیب کړي او بیا یې د ښوونکو په واسطه په انلاین ډول تدریسوي.

یادې خصوصي راډیو داسې مهال فعالیت پیل کړی، چې د طالبانو له واکمنېدو راهیسې لسګونه بېلابېلې رسنۍ او په ځانګړي ډول سیمه‌ییزې راډیوګانې، نه یوازې د اقتصادي ستونزو، بلکې د طالبانو د سختو محدودیتونو او پر رسنیو د لګول شوي سانسور له امله له فعالیت څخه پاتې شوې او تړل شوې دي.