د اوکراین ډرون د روسیې د ګازپروم تر ټولو ستره تصفیه خونه په نښه کړې
د اوکراین ډرون برید د مسکو د تیلو په یوه لویه تصفیهخونه کې اور بل کړی او د راپورونو له مخې یې دغه تاسیسات له کاره غورځولي دي. دغه برید د «ګازپروم» د تصفیهخونې پر یوه مهمه برخه شوی، چې د دغې فابریکې شاوخوا ۵۳ سلنه تولیدي ظرفیت جوړوي.
د صنعت دوو سرچینو رویټرز ته ویلي چې دغه برید د «ګازپروم نفت» د تصفیهخونې پر یوه مهمه برخه شوی، چې د دغې فابریکې شاوخوا ۵۳ سلنه تولیدي ظرفیت جوړوي.
د عیني شاهدانو له خوا ثبت شوې ویډیوګانې ښيي چې د برید وروسته په سیمه کې سخت اور لګېدلی او تور لوګي اسمان ته پورته کېږي.
که څه هم د مسکو ښاروال ویلي چې اور مهار شوی او عملیات نه دي اغېزمن شوي، خو سرچینې وایي چې فابریکه فعلاً په بشپړ یا جزوي ډول تړل شوې ده.
