برېتانیاوي چارواکو د روسیې نفت وړونکې بېړۍ چلونکی د بندیزونو ماتولو په تور نیولی
رویټرز د برېتانیا د جرمونو ملي ادارې (NCA) په حواله راپور ورکړی چې د مانش کانال کې بریتانوي سمندریزو ځواکونو د روسیې د نفت ایستلو بیړۍ چلونکی هندی اجی پینټ، په دې تور نیولی چې د روسیې نفت او نفتي محصولات یې د نړیوالو بندیزونو خلاف نورو هېوادونو ته لېږدول.
یاد ټانکر، چې «سمیرتوس» نومېږي، د انګلستان په سمندري کانال مانش کې د برېتانوي سمندري ځواکونو له خوا ودرول شو او وروسته وپلټل شو. چارواکو بېړۍ نیولې او تر څارنې لاندې یې ساتلې ده.
برېتانیا وایي چې دا بېړۍ د روسیې د پټو بیړیو له ډلې څخه ده. دا هغه بېړۍ دي چې د روسیې پر ضد لګول شوي بندیزونه د پټو فعالیتونو او د نورو هېوادونو د بیرغونو په کارولو سره ماتوي.
ټاکل شوې چې اجی پنت سې شنبې محکمې ته حاضر شي او د هغه دوسیه به هلته وڅېړل شي.
برېتانیا تر اوسه نږدې ۶۰۰ هغه بېړۍ تر بندیزونو لاندې راوستي چې د روسیې د نفتو په پټ لېږد کې د ښکېلتیا شک پرې کېږي. لوېدیځ هېوادونه باور لري چې د روسیې د نفتو عواید د اوکراین په جګړه کې د مسکو مالي ملاتړ کوي.
