ټرمپ وايي چې ډېر زر به د امریکا او ایران هوکړه ډاګیزه شي
د امریکا ولسمشر ډونالډ ټرمپ ویلي چې له ایران سره د لنډمهاله هوکړې متن به ډېر ژر عام شي او دا به په روښانه ډول تضمین کړي چې تهران به اټومي وسلې نه لري.
د راپورونو له مخې، دغه لنډمهاله توافق به د اپرېل د اوربند موده ۶۰ ورځې نوره هم وغځوي او د هرمز تنګی به بیا د نړیوالو سوداګریزو کښتیو لپاره پرانیزي.
ټرمپ ویلي چې د هوکړې متن به ډېر ژر په رسمي ډول خپور شي او دا به د امریکا کانګرس ته د ارزونې لپاره هم ولېږل شي، ځکه ځینې جمهوري غوښتونکي دا غوښتنه لري.
د راپورونو له مخې، د هوکړې د بل پړاو خبرې به په سویس کې د جمعې په ورځ پیل شي، چې د ایران د بهرنیو چارو وزیر عباس عراقچي هم پکې ګډون کوي.
