له هلمند څخه سږ کال ۸۰ زره مټریک ټنه پنبه بهر ته صادره شوې

دغو سرچینو د موضوع د حساسیت له امله د نوم نه ښودلو په شرط وویل چې د اسلامي جمهوریت چارواکو د ملي مقاومت جبهې ته ویلي: «پر طالبانو ډز زموږ پر لور د ډزو په مانا دی.»

د سرچینو د معلوماتو له مخې، اسلامي جمهوریت پر طالبانو د بریدونو د بندولو لپاره په ایران کې مېشت د ملي مقاومت جبهې غړي تر فشار لاندې راوستي دي.

دغو سرچینو وویل چې له طالبانو سره د اسلامي جمهوریت اړیکې د پراخېدو په حال کې دي او ښايي تهران له امریکا سره له هوکړې او د وضعیت له ښه کېدو وروسته د طالبانو اداره په رسمیت وپېژني.

ملي مقاومت جبهې د دغه خبر تر خپرېدو پورې پر دغې جبهې د اسلامي جمهوریت د فشارونو په اړه د افغانستان انټرنشنل د خبریال پوښتنو ته ځواب نه دی ورکړی.

په ورته وخت کې، دوو باخبره سرچینو افغانستان انټرنشنل ته وویل چې د ایران اسلامي جمهوریت پر هغو پخوانیو افغان پوځیانو محدودیتونه لګولي چې په ایران کې ژوند کوي.

دغو سرچینو د خپل هویت په ساتلو سره وویل چې پخواني پوځیان مخکې په ایران کې ثبت شوي او د ایران د بهرنیو چارو وزارت له رسمي اجازې پرته نه شي کولای افغانستان ته سفر وکړي.

دغو سرچینو وویل چې اسلامي جمهوریت د طالبانو په مخالفو جبهو کې د پخوانیو پوځیانو د یوځای کېدو په اړه اندېښمن دی.

د ملي مقاومت جبهه په ایران او په ځانګړې توګه په مشهد ښار کې دفتر لري او د محمد اسماعیل خان په ګډون د هغې یو شمېر غړي په ایران کې اوسېږي.

دغه جبهه د طالبانو پر ضد یو له نظامي-سیاسي جریانونو څخه ده چې وخت ناوخت د طالبانو پر پوستو د بریدونو خبر ورکوي.

د هالنډ په بېورویګ ښار کې د غرغښت او پیوستون کلتوري ټولنو په ګډ نوښت د پښتو ژبې ورځ د یولړ مراسمو او یوې فرهنګي غونډې په ترڅ کې نمانځل شوې.

په دې غونډه کې افغان لیکوالانو، کلتوري فعالانو او د پښتو ژبې مینه والو برخه اخیستې وه او د پښتو ژبې پر تاریخي، فرهنګي او په ځانګړي ډول پر ډیجیټلي ارزښت باندې پکې خبرې وشوې.

د غرغښت ټولنې مشر محمد نوروز عظیم پښتو د یوه ستر ملت د غني تمدن، تاریخ او انساني ارزښتونو استازې ژبه وبلله.

په دغو مراسمو کې د پیوستون ټولنې د مشرتابه غړي محمد صادق رښتیني، د «پښتو ژبه او مصنوعي ځیرکتیا» تر عنوان لاندې وینا وکړه او ویې ویل، چې نن ورځ ماشومان او ځوانان له ګوګل، سري، چېټ‌جي‌پيټي او نورو ځیرکو ډیجیټلي سیستمونو سره اړیکه ساتي او که پښتو په دغو نویو ټکنالوژیو کې فعاله نه وي، نوی نسل به اړ شي چې نورو ژبو ته مخه کړي.

په غونډه کې د پښتو ژبې د ډیجیټلي سرچینو او مصنوعي ځیرکتیا په برخه کې د احمد ولي اڅکزي، حنیف رحمان او جانداد جهاني او دزده کړو په برخه کې د زده کړو د فعال مطیع الله ویسا هڅې وستایل شوې.

د یونسف د راپور له مخې، نږدې د نړۍ نیمایې ماشومان اوس لږ تر لږه د دریو تکراري اقلیمي خطرونو سره مخ دي، چې د هغوی روغتیا، زده کړې او ژوند ته ګواښ پېښوي.

په افغانستان کې دا خطرونه هم پراخ او هم له یو بل سره تړلي دي.

د یونیسف په وینا، شاوخوا ۲۱ میلیونه ماشومان په هېواد کې ژوند کوي او له دې ډلې ۸،۸ میلیونه ماشومان (۴۱ سلنه) لږ تر لږه د دریو اقلیمي خطرونو لکه سېلابونو، وچکالۍ، ګرمۍ څپو، سختې تودوخې او د شګو او دوړو توپانونو سره مخ دي.

راپور وایي، افغانستان په سویلي اسیا کې د ماشومانو د زیانمنېدو له پلوه تر ټولو لوړ ځای لري، چې دا د هغو اساسي خدماتو له کمښت سره تړلی دی چې ماشومان د اقلیمي ناڅاپي پیښو پر وړاندې ورته اړتیا لري.

د افغانستان لپاره د یونسف استازي ډاکټر تاج الدین اویوالی ویلي: «په افغانستان کې ماشومان لا له وړاندې د اقلیم د ناورین په لومړۍ کرښه کې ژوند کوي. تر ټولو خطرناک ټکی دا دی چې اقلیمي خطرونه د ماشومانو له لوړې زیانمنېدا سره یو ځای شوي دي. د روغتیا، تغذیې، اوبو، حفظ الصحې، زده کړو، د ماشومانو د خوندیتوب او ټولنیزو ملاتړو سیستمونو پیاوړتیا د ماشومانو د ساتنې لپاره ضروري ده.»

د راپور له مخې په ټولیزه توګه له ۷۵ سلنې څخه ډېر ماشومان په افغانستان کې د وچکالۍ سره مخ دي، له ۵۰ سلنې څخه زیات د اوږدمهاله او زیاتېدونکې ګرمۍ تر اغېز لاندې دي، او له ۱،۷ میلیونو څخه ډېر ماشومان د نیزونو له ګواښ سره مخ دي.

د طالبانو د ریاست‌الوزرا اقتصادي معاونیت اقتصادي کمېسیون په غونډه کې په هېواد کې د بې‌کارۍ د کچې پر راکمولو، د اقتصادي پروژو د ښه او پر وخت تطبیق او د صادراتو او وارداتو لپاره د لا زیاتو اسانتیاوو د رامنځته کولو په اړه خبرې شوې دي.

د طالبانو د اقتصادي کمېسیون غړو دغه راز د خامو نفتي موادو د تصفیې او هېواد ته د واردېدونکو درملو د مجازو اقلامو د لیست د پراختیا په تړاو هم بحثونه کړي دي.

د یاد معاونیت د معلوماتو له مخې، د غونډې برخه والو همدارنګه د صنعتي ساحو د نقشو د ژر ویزه کولو، د امارتي ځمکو د اجارې بهیر د تنظیم او همغږۍ او د صادرېدونکو غوښو د بیو د لوړوالي او د صادراتو د پراختیا په اړه خبرې کړې دي.

د طالبانو د ریاست‌الوزرا د اقتصادي معاونیت د معلوماتو له مخې، په غونډه کې پر یادو ټولو موضوعاتو لازمې پرېکړې او تصامیم ونیول شول.

دا غونډه په داسې حال کې جوړېږي چې په هېواد کې د بې‌کارۍ او بې‌وزلۍ کچه لوړه شوې او خلک د اقتصادي ستونزو له امله شکایتونه کوي.

دغه راپور ښيي چې د افغانستان د سولې عمومي وضعیت د تېر کال په پرتله ۰،۵ سلنه خراب شوی دی.

په راپور کې راغلي، د «امنیت او خوندیتوب» په برخه کې افغانستان کې ۱،۵ سلنه ښه والی راغلی او د سیاسي بې‌ثباتۍ شاخص هم ۱۰ سلنه ښه شوی دی. د راپور له مخې، دا بدلون تر ډېره د طالبانو له لوري پر سیاسي او امنیتي ادارو د واک د لا ډېر تمرکز او د مخالفو سیاسي جریانونو د نشتوالي له امله رامنځته شوی دی.

د سولې نړیوال شاخص وايي، چې د منظم سیاسي اپوزیسیون نشتوالي او د مخالفو غږونو محدودولو د پراخو ناارامیو او سیاسي ګډوډیو احتمال کم کړی، خو خبرداری یې ورکړی چې انحصاري حکومتولي، د سیاسي مشارکت محدودیتونه او نړیواله انزوا د افغانستان د اوږدمهاله ثبات پر وړاندې جدي ننګونې دي.

سره له دې چې د سیاسي بې‌ثباتۍ شاخص ښه شوی، راپور څرګندوي چې د افغانستان د روانو شخړو وضعیت خراب شوی دی. د راپور له مخې، د «روانو شخړو» برخه ۱،۹ سلنه کړکېچنه شوې او د بهرنیو شخړو له امله د مرګ ژوبلې شاخص ۱۹،۲ سلنه لوړ شوی، چې لامل یې له پاکستاني ځواکونو سره نښتې بلل شوې دي.

راپور بل مهم لامل په اوسنیو سرحدي سیمو کې د تحریک طالبان پاکستان فعالیتونه بللي دي.

راپور افغانستان د سویلي اسیا تر ټولو لږ سوله‌ییز هېواد یادوي او وايي چې هېواد لا هم د نړۍ د اوو تر ټولو ناامنو هېوادونو په ډله کې شامل دی. د شاخص له مخې، یوازې روسیه، سوډان، د کانګو دیموکراتیک جمهوریت، اوکراین، اسراییل، سویلي سوډان، افغانستان یمن، سوریه، مالي، سومالیا، میانمار او پاکستان د نړۍ د سولې په درجه‌بندۍ کې تر ټولو ټیټې درجې لري.

د راپور په اقتصادي برخه کې راغلي چې افغانستان د تاوتریخوالي له امله د اقتصادي زیانونو له پلوه هم د نړۍ له زیانمنو هېوادونو څخه دی. د راپور له مخې، په ۲۰۲۵ کال کې د تاوتریخوالي اقتصادي لګښت د افغانستان د ناخالص کورني تولید ۳۱،۴۳ سلنه جوړوله چې له اوکراین وروسته دویم لوړ رقم بلل کېږي.

د سولې نړیوال شاخص په خپل ۲۰۲۶ راپور کې ویلي چې افغانستان د نشه‌يي توکو د غیرقانوني اقتصاد له پلوه تر ټولو ستر سقوط تجربه کړی دی. د راپور له مخې، د طالبانو له خوا د کوکنارو د کر بندیز د دې لامل شوی چې د افغانستان د تاریاکو اقتصاد له ۲ میلیاردو ډالرو څخه ۴۰۰ میلیونو ډالرو ته راټیټ شي. راپور ادعا کوي چې د کوکنارو تولید هم ۹۵ سلنه کم شوی دی.

د سولې نړیوال شاخص په داسې حال کې د افغانستان د سیاسي بې‌ثباتۍ د کمېدو خبره کوي چې نړیوال بنسټونه لا هم د سیاسي مشارکت محدودیتونو، د بشري حقونو وضعیت او د افغانستان د نړیوالې انزوا په اړه اندېښنې څرګندوي.