د جرمني د هاناو محکمې افغان قاتل ته د ۸ کلونو بند سزا واوروله

د جرمني چارواکو په وینا، په دې الوتنه کې نږدې ۳۰ هغه افغان نارینه شامل وو چې بېلابېلو فدرالي ایالتونو د اخراج لپاره معرفي کړي وو. په دغو کسانو کې ځینې هغه د جنسي تېري، وژنې او جنسي ځوورونې په څېر جرمونو له امله محکوم شوي وو.

دغه کسان له شمالي راین ویستفالن، شلېزویګ هولشتاین، بایرن، نیدرزاکسن او بادن وورتمبرګ ایالتونو راغونډ شوي دي.

د معلوماتو له مخې، الوتکه د شپې له خوا د لیپزیګ/هاله له هوايي ډګره د پلازمېنې کابل پر لور تللې ده.

په ترمینل کې شاوخوا ۳۵کسان ددې اقدام په مخالفت کې راغونډ شوي وو.

د دغه اقدام حقوقي او اداري بنسټ د جرمني حکومت او طالبانو ترمنځ هوکړه ده، چې له مخې یې جرمني ته دا امکان ورکړل شوی چې د منځګړي هېواد له اړتیا پرته مستقیم افغان پناه غوښتونکي وشړي.

جرمني د روان کال په اپریل میاشت کې هم د چارټر الوتنې له لارې ۲۵تنه افغان پناه غوښتونکي کابل ته وشړل.

تر دې وړاندې په ۲۰۲۴ کال کې هم له لیپزیګ څخه کابل ته ۲۸ افغان نارینه مجرمان د قطر په مرسته شړل شوي وو. وروسته جرمني پخپله انفرادي او ډله‌ییزې شړنې پیل کړې.

منتقدین وایي چې د جرمني حکومت له یوې خوا طالبان د بشري حقونو د سرغړونو له امله په رسمیت نه پېژني، خو له بلې خوا د عملي اړتیاوو لپاره ورسره تخنیکي او سیاسي تعامل کوي. په دې کې د افغانستان د سفارتونو لپاره د طالبانو د محدودو ډیپلوماټانو منل هم شامل دي.

د جرمني د کورنیو چارو وزیر الکساندر ډوبرېنډټ ویلي، لومړی هغه کسان شړل کیږي چې مجرمین او د امنیتي خطر عاملان ګڼل کېږي، خو دا لړۍ یوازې تر همدې ډلې محدوده نه ده او په راتلونکي کې پراخېدلی شي.

د چین د بهرنیو چارو وزارت ویاند ژاو لی جیان ویلي چې د شانګهای د همکارۍ سازمان د بهرنیو چارو وزیرانو د شورا په غونډه کې د چین د دولتي شورا غړي او د بهرنیو چارو وزیر وانګ يي وویل چې بیجنګ چمتو دی ددغه سازمان د شلمې کلیزې په درشل کې له نورو غړو هېوادونو سره په ګډه یوه لا نږدې او د ګډ برخلیک لرونکې شورا جوړه کړي.

وانګ يي د شانګهای د همکاریو سازمان د افغانستان د تماس ډلې د بهرنیو چارو وزیرانو په غونډه کې ویلي، چې دغه سازمان باید د افغانستان وضعیت داسې لور ته بوځي چې د افغانستان او د سیمې د نورو هېوادونو ګډو ګټو په ګټه وي.

هغه زیاته کړې چې امریکا باید د خپلو مسوولیتونو ادا کولو ته وهڅول شي، د ترهګرو ډلو بیا راپورته کېدل ودرول شي، د ملي پخلاینې بهیر پرمختګ وکړي، څو اړخیزه همغږي پیاوړې شي او په افغانستان کې د سولې او بیا رغونې بهیر اسانه شي.

نوموړي دغه راز ویلي، چین به د افغانستان د مسالې د سیاسي حل په برخه کې خپل رغنده رول ته دوام ورکړي، په داسې ډول چې دده په وینا، د افغانستان حاکمیت ته بشپړ درناوی وشي او د «افغانانو په مشرۍ او افغانانو په مالکیت» اصول مراعت شي.

د چین د بهرنیو چارو وزارت په وینا، په غونډه کې د نورو هېوادونو د بهرنیو چارو وزیرانو هم هوکړه کړې، چې د شانګهای د همکاریو سازمان شلمه کلیزه د نوي پیل په توګه ومني او د افغانستان د سولې او پخلاینې ملاتړ وکړي او د نړیوالې سولې او ګډ پرمختګ لپاره لا فعاله ونډه واخلي.

د طالبانو د ننګرهار د پوهنې ریاست مرستیال لیاقت علي دا غږیز پېغام د دوشنبې په ورځ، د غبرګولي پر ۲۶مه ددغه ولایت د ټولو ښوونځیو مدیرانو ته لېږلی دی.

په پېغام کې لیاقت علي وايي، په تېرو دوو ورځو کې لیدل کیږي چې د ښوونځيو زده کوونکو په فراغت غونډو کې د افغانستان ملي بیرغونه او رنګونه پر خپلو جامو کارولي دي.

د نوموړي په وینا، د هغو زده کوونکو په اړه به پلټنه وکړي، چې پر جامو یې بیرغ رسم کړی وي او د دوی نتایج به نه تاییدیږي او بریلیکونه به یې ځنډیږي.

نوموړي همدراز د ښوونځیو مسوولانو ته ویلي، چې دوی به هم ددې ډلې د قانون له مخې د سزا وړ ګڼل کېږي.

لیاقت علي د خبرو په یوه برخه کې ویلي:« د ښوونځيو مسوولین دې ددې مخه ونیسي، دا زموږ د نظام لپاره ډېره بده ده.»

دا بندیز یوازې په ننګرهار کې نه دی لګول شوی بلکې تېر کال په کونړ کې د طالبانو د کونړ امربالمعروف محتسبان پارک ته داخل شول او د زده کوونکو د فرافت مراسم یې ګډوډ کړل او هغه زده کوونکي یې ونیول چې ملي بیرغ یې پر جامو رسم کړی و.

افغانستان انټرنشنل ددې پيښې ویډیو خپره کړې وه، چې د طالبانو د امربالمروف ریاست متحسبین په زوره یو شمېر زده کوونکي موټر ته پورته کوي.

په افغانستان کې د لېسو او پوهنتونونو ګڼ زده کوونکي د فراغت غونډو کې د یادګار په توګه ملي بیرع یا هم د یو بل پر جامو لاسلیکونه کوي.

د روان کال د وري پر ۲۶مه په کندهار کې د طالبانو د اطلاعاتو او کلتور ریاست ټولو کتابتونونو، چاپي مرکزونو او د ډیکورېشن هټیو ته امر کړی و، چې د طالبانو له ځانګړي بیرغ پرته د بل هر ډول بیرغ له چاپ، پلور او خپرولو ډډه وکړي.

د افغانستان درې رنګه ملي بیرغ «تور، سور او زرغون» په ۱۳۰۷ کال کې د غازي امان الله خان په واکمنۍ کې د لویې جرګې له لوري تصویب شو، خو تر هغه وروسته د بېلابېلو واکمنیو پر مهال لرې او بیا د پخواني ولسمشر حامد کرزي په واکمنۍ کې د لویې جرګې له لوري بېرته همدا بیرغ د هېواد د ملي بیرغ په توګه ومنل شو، خو طالبانو پر ملي بیرغ بندیز لګولی دی.

د یاد وزارت په خبرپاڼه کې، چې د سې‌شنبې په ورځ (د غبرګولي ۲۶مه) خپره شوې، راغلي چې له نیول شویو کسانو څخه ټول یو زرو ۲۴۳ دانې نشه‌یي ګولۍ او څه باندې درې کیلوګرامه تریاک ترلاسه او ضبط شوي دي.

بلخوا، دغه وزارت ویلي چې د کندهار ولایت سپین بولدک، میوند او غورک ولسوالیو په مربوطاتو کې یې د نشه‌یي توکو د تولید او پروسس یوه فابریکه کشف او له منځه وړې ده.

د خبرپاڼې له مخې، له یادې فابریکې څخه له اته زره کیلوګرامو څخه زیات ومان او نور هغه لومړني مواد ترلاسه شوي چې د نشه‌یي توکو په تولید کې ترې کار اخیستل کېږي.

د طالبانو د ۳۱۳ مرکزي قول اردو لخوا په خپره شوې خبرپاڼه کې راغلي چې امنیتي ځواکونو یې د محرم میاشتې د مراسمو د خوندي ترسره کېدو لپاره په سپکو او درنو وسلو سمبال تدابیر نیولي، څو د دوی په وینا اهل تشیع وګړي وکولای شي خپل مذهبي مراسم په ارامه فضا کې ترسره کړي.

خبرپاڼه زیاتوي چې یادې قوماندانۍ د نورو امنیتي، استخباراتي او کشفي ادارو سره په همغږۍ بشپړ چمتووالی نیولی او دا تدابیر به د محرم تر لسمې ورځې دوام وکړي.

سیارې ګزمې، امنیتي کمربندونه او چک‌پواینټونو جوړول د دغو تدابیرو برخه بلل شوې ده.

دا په داسې حال کې ده چې طالبانو په تېرو کلونو کې د محرم او عاشورا د مراسمو پر مهال پر شیعه‌ګانو بېلابېل محدودیتونه لګولي وو. د راپورونو له مخې، په ځینو ولایتونو کې د عاشورا لپاره بیرغونه او شعارونه لرې شوي او په هرات کې د نذر اوبو او شربت د وېش ځینې غرفې هم نړول شوې وې.

همدارنګه، دوه کاله وړاندې د کابل د لوېدیځې سیمې مهتاب‌کلا ګولایي کې د عاشورا د مراسمو د ګډوډېدو راپورونه خپاره شوي وو. هغه مهال د مراسمو ځینو ګډونوالو ادعا کړې وه چې طالبانو د ماتم کوونکو پر وړاندې له زور کار اخیستی او د سینه‌وهلو ځینې ډلې یې متفرقې کړې دي.

طالبانو تېر کال هم د عاشورا پر ورځ د امنیتي تدابیرو په نوم مخابراتي شبکې محدودې کړې وې. طالب چارواکو هغه مهال ویلي وو چې دا اقدام د احتمالي امنیتي ګواښونو د مخنیوي لپاره ترسره شوی.

د عاشورا د مراسمو تر محدودیتونو سربېره، د بشري حقونو ځینې بنسټونه او راپورونه ادعا کوي چې د طالبانو تر واکمنۍ لاندې د شیعه ټولنې پر مذهبي فعالیتونو نور محدودیتونه هم لګېدلي دي.راپورونه دا هم ښیي چې طالبانو بدخشان کې د شیعه مذهب پیروان د خپل مذهب پریښودو ته اړ کړي و.