رضاشاه پهلوي: د ایران د رژیم د ژغورلو هره معامله ستراتیژیکه تېروتنه ده

پهلوي لندن ته خپل سفر ته په اشارې سره پر اېکس‌پاڼه لیکلي: «نن مې د بریتانیا د استازو جرګې د بهرنیو اړیکو کمېټې له مشرې امیلي تورنبري او د دې کمېټې له یو شمېر نورو غړو سره وکتل، څو د ایران د کورني وضعیت، د خلکو د ځپنې او د دې اړتیا په اړه خبرې وکړو چې د بریتانیا د ایران اړوند سیاستونو کې د ایران د خلکو غوښتنو او ګټو ته مرکزي ځای ورکړل شي».

هغه زیاته کړې: «ما په څرګنده ټینګار وکړ چې له هغه رژیم سره معامله چې د مرغومي په میاشت کې یې تر ۴۰ زرو ډېر ایرانیان وژلي، نه یوازې له اخلاقي پلوه د منلو وړ نه ده، بلکې له ستراتیژیک پلوه هم یوه لویه تېروتنه ده».

رضا پهلوي ویلي: «هره هغه هوکړه چې د دې رژیم یا د هغه د پاتې‌شونو د ساتنې لامل شي، له ناکامۍ سره مخ ده او د ایران خلک به یې ونه مني».

هغه ټینګار کړی چې د نړیوالې ټولنې په ملاتړ یا له هغې پرته، د ایران خلک به دا رژیم نسکور کړي او ایران ته به ازادي بېرته راوګرځي.