راشد خان په نړۍوال کرېکت کې ۴۵۲ ویکټې بشپړې کړې
د افغانستان د کرېکټ ملي لوبډلې ستوري راشد خان په نړۍوالو سیالیو کې د خپلو ویکټو شمېر ۴۵۲ ته ورساوه. نوموړي دغه تاریخي کارنامه نن د هند د لوبډلې په وړاندې په یو ورځنۍ سیالۍ کې په خپل نوم ثبت کړه.
راشد خان نن له هند سره د یو ورځنیو سیالیو د لوبلړۍ په دویمه لوبه کې درې مهمې ویکټې واخیستې او په دې سره یې په نړۍوال کرېکټ کې ۴۵۲ ویکټې پوره کړې.
د افغانستان کرېکټ بورډ د معلوماتو له مخې، راشد خان تر دغې لوبې وړاندې په نړۍوالو سیالیو کې ۴۴۹ ویکټې ترلاسه کړې وې. نوموړي دغه کارنامه په خپله ۲۳۷مې نړۍوالې پاڼۍ کې په خپل نوم کړه او لومړنی افغان لوبغاړی شو چې په نړۍوال کرېکټ کې له ۴۵۰ څخه زیاتې ویکټې ترلاسه کوي.
د کرېکټ بورډ د رسمي شمېرو له مخې، راشد خان تر دې مهاله په ټسټ سیالیو کې ۴۵، په یو ورځنیو نړۍوالو سیالیو کې ۲۱۴ او په شل اوریزو نړۍوالو لوبو کې ۱۹۳ ویکټې خپلې کړې دي.
