راشد خان په نړۍوال کرېکت کې ۴۵۲ ویکټې بشپړې کړې

د افغانستان الف لوبډلې «افغان ابدالیانو» د هند الف لوبډلې پر وړاندې د نننۍ سیالۍ پچه ګټلې او پرېکړه یې کړې چې لومړی توپ اچونه وکړي. دغه سیالي د سریلانکا په کولمبو ښار کې ترسره کېږي، چې افغان لوبډله پکې د هند الف لوبډلې پر وړاندې د قوي سیالۍ لپاره میدان ته ښکته شوې ده.

د افغان ابدالیانو په یوولس کسیز نوملړ کې د دې سیالۍ لپاره دوه بدلونونه راغلي دي، چې له مخې یې اعجاز احمدزی او خلیل ګربز له لوبډلې ایستل شوي او پر ځای یې فیصل خان شینوزاده او فریدون داودزی لوبډلې ته اضافه شوي دي.

بلخوا، د افغانستان ملي کرېکټ لوبډله به نن د هند ملي لوبډلې پر وړاندې د دویمې یو ورځنۍ نړیوالې سیالۍ لپاره د هند په لکنو ښار کې د میدان ډګر ته ښکته شي.

د ملي لوبډلې لوبغاړو د دغې مهمې سیالۍ لپاره تېره ورځ د لکنو په ایکانا کرېکټ لوبغالي کې خپل تمرینات ترسره کړي وو، څو د کوربه هند ملي لوبډلې پر وړاندې له پوره چمتووالي سره میدان ته ښکته شي.

دغه دواړه سیالۍ د افغان لوبډلو لپاره مهمې بلل کېږي، چې په بېلابېلو کچو کې د نړیوالو تجربو د زیاتېدو لپاره ترسره کېږي.

د امریکا په لاس انجلس لوبغالي کې ګڼ شمېر د فوټبال مینه والو د ایران د لوبډلې ملاتړ کاوه، خو ځینو امریکايي مېشتو ایرانیانو بیا د تهران پر وړاندې د اعتراض شعارونه او سمبولونه له ځان سره لرل.

رویټرز په خپل یو خبر کې ویلي، چې د ایران او نیوزیلنډ د لوبې تر پیل وړاندې د میدان بهر هم وضعت عادي نه وو. د واشنګټن او تهران ترمنځ د سولې د هوکړې تر اعلان ۲۴ ساعته وروسته ایران ملي لوبډلې یوازي په امریکا کې د فوټبال په نړۍوال جام کې خپله لومړۍ سیالۍ تر سره کړه.

د راپور له مخې، دغه جګړه هغه مهال پیل شوې وه چې امریکا او اسراییل په فبرورۍ میاشت کې پر ایران بریدونه وکړل او اوس د سولې له اعلان وروسته د ایران لوبډله په امریکا کې د نړیوال جام سیالۍ ترسره کوي.

دغه لاریونونه په امریکايي کې د ایران حکومت د مخالفو فعالانو له خوا رهبري کېدل.

د سږني نړیوال جام په سیالیو کې د ایران ګډون له بېلابېلو جنجالونو او ستونزو سره مل و. د ایران فوټبال فدراسیون مخکې ویلي وو چې د لوبډلې د ځینو غړو لپاره د ویزو په ترلاسه کولو کې ستونزې موجودې وې او د مینه‌والو لپاره هم ځینې محدودیتونه لګېدلي وو.

په ورته وخت کې، د ایران د پخواني (له ۱۹۷۹م کال مخکې) بیرغ د کارولو موضوع هم په یوه جنجالي بحث بدله شوې ده. فیفا اعلان کړی چې په لوبغالو کې د سیاسي بڼې لرونکي بیرغونه او نښې منع دي، خو د ایران د پخواني بیرغ په اړه یې تر اوسه روښانه دریځ نه دی څرګند کړی.

د کندهار د عینو مینې ښارګوټي ځینو اوسېدونکو نن دوشنبه، د غبرګولي پر ۲۵مه وویل، چې د طالبانو د کندهار ۱۲ حوزې امنیتي ځواکونو د کرکټ وسایل او بېټونه وړي دي.

په رالېږل شویو انځورونو کې ښکاري چې په ۱۲مه حوزه کې طالبانو یو شمېر نور لوبتوکي هم غونډ کړي دي.

د یادونې وړ ده، چې په روانه غبرګولي میاشت کې په هلمند کې ځايي سرچینو افغانستان انټرنشنل ته ویلي و، چې طالبانو د مولوي هبت‌الله اخوندزاده په امر په لښکرګاه کې د کرېکټ د یوه معیاري لوبغالي د ویجاړولو عملي چارې پیل کړې.

هبت‌الله هلمند ته په خپل وروستي سفر کې د کرېکټ په لوبغالي کې د عیدګاه جومات د بنسټ ډبره کېښوده.

هغه ویډیوګانې او انځورونه چې افغانستان انټرنشنل ته رسېدلي، ښکاري چې له لوبغالي څخه ورزشي او نور ودانیز توکي د انتقال په حال کې دي او په عملي توګه د کرېکټ د یاد معیاري لوبغالي د وېجاوړولو چارې پیل شوي دي.

له دې وړاندې په هلمند کې د کرېکټ لوبغاړو افغانستان انټرنشنل ته ویلي و، چې د طالبانو له‌خوا د کرېکټ معیاري لوبغالی په عیدګاه جومات بدلیدونکی دی.

په دې سیالۍ کې هند د پچې له ګټلو وروسته لومړی د توپ‌اچونې پرېکړه وکړه. د افغانستان د کرېکټ ملي لوبډلې په ۲۴،۵ اورونو کې د خپلو ټولو لوبغاړو په سوځېدو ۱۹۴ منډې جوړې کړې، چې په دې لړ کې رحمان‌الله ګربز د ۱۰۲ منډو په جوړولو سره تر ټولو غوره لوبه وکړه او د خپلو شپږیزو شمېر یې تر ۲۰۰ زیات کړ.

100%

د هند په توپ‌اچوونکو کې ګورنور برار او حارش دیوبي هر یوه وکولای شول درې درې افغان لوبغاړي د لوبې له ډګره بهر کړي. بل لور ته، هندۍ لوبډلې د افغان لوبډلې له خوا ټاکل شوی هدف په ۲۲،۵ اورونو کې د یوازې درېیو لوبغاړو په زیان سره پوره کړ او بریا یې خپله کړه.

د افغانستان د کرېکټ لوبډلمشر حشمت‌الله شهیدي په دې لوبه کې د ۲۷ منډو په جوړولو سره په یو ورځنیو نړیوالو سیالیو کې د خپلو ټولو منډو شمېر ۲ زره او ۵۰۰ ته ورساوه. هغه له رحمت شاه، محمد نبي او شهزاد وروسته د افغانستان د کرېکټ په تاریخ کې څلورم لوبغاړی شو چې تر ټولو ډېرې منډې یې جوړې کړې دي.

100%

د افغانستان او هند ملي لوبډلې به په دې لړۍ کې دوه نورې لوبې هم ترسره کړي. د دواړو لوبډلو ترمنځ راتلونکې سیالۍ به د راتلونکې چهارشنبې په ورځ د هند په لکنو ښار کې ترسره شي.

د افغانستان کرکټ بورډ ویلي، چې د ملي لوبډلې ښي لاسی چټک توپ اچوونکی محمد سلیم ساپی چې د هند پر وړاندې په یوازینۍ ټېسټ لوبه کې یې د پام وړ توپ اچونه کړې وه او شپږ ویکټې یې ترلاسه کړې وې، د همدې ښه فعالیت له امله د یو ورځنیو سیالیو په اصلي ترکیب کې ځای وموند.

د کرکټ بورډ په وینا، نوموړی له دې وړاندې د همدې سیریز لپاره د احتیاطي لوبغاړو په ډله کې شامل و، خو اوس د اصلي لوبډلې برخه دی.

کرکټ بورډ هیله څرګنده کړې چې دغه ځوان توپ اچوونکی به په یو ورځنیو سیالیو کې هم د افغانستان لپاره ښه وځلېږي او د لوبډلې په بریاوو کې به مهم رول ولري.