ټرمپ: که د ایران هوکړه مې خوښه نه شوه بریدونه به بیا پیل کړو
د امریکا ولسمشر ډونالد ټرمپ د چهارشنبې په ورځ په فرانسه کې د ۷ډلې د سرمشریزې پر مهال ویلي چې له ایران سره د هوکړې یادښت لا نهایي نه دی او که دا هوکړه یې خوښه نه شي، پر ایران بریدونه بیا پیلیدای شي.
هغه وویل: «دا یو د هوکړې یادښت دی او که زه ترې خوښ نه شوم، موږ به بېرته پر هغوی بریدونه وکړو او بمونه به پرې وغورځوو. که هغوی سم چلند ونه کړي، موږ به بیا مستقیمه بمباري وکړو.»
نوموړي زیاته کړه چې په دې هوکړه کې سملاسي د بندیزونو لرې کول شامل نه دي.
ټرمپ وویل چې د دې موضوع په اړه به وروسته نور جزییات هم شریک کړي.
